Popular Bible Verses from Rooma 14

Share

Achaan al-muhimm fi mamlakat Allah ma al-akil wa l-charaab, laakin hu al-adaala wa l-salaam wa l-farha fi l-Ruuh al-Khudduus. Al-naadum al-yitaabiʼ al-Masiih misil da, Allah yarda beyah wa l-naas kula yikarrumuuh.

Kan niʼiichu, niʼiichu fi chaan Rabbina wa kan numuutu, numuutu kula fi chaan Rabbina. Wa misil da, kan aniina hayyiin walla maytiin kula, aniina hana Rabbina.

Be misil da, khalli nijaahudu achaan nisawwu al-cheyy al-yisabbit al-salaam ambeenaatna wa l-yigawwiina kullina.

Achaan da, khalliina ma nuluumu akhwaanna. Akheer nichiilu niiye achaan abadan ma nisawwu cheyy al-yiwaddi akhuuna le l-zanib, lahaddi yamurgah min al-derib.

Achaan da maktuub fi l-Kitaab : <Allah gaal : «Ana halaft be nafsi kadar kulla rukba tabruk giddaami wa ayyi lisaan yachhad kadar ana Allah.»> Wa be misil da fi yoom al-Hisaab, ayyi waahid minnina masʼuul giddaam Allah fi l-cheyy al-hu sawwaah.

Akhbalo al-muʼmin al-daʼiif fi iimaanah wa ma tikhaalutuuh fi fikrah.

Inta yaatu al-tuluum al-khaddaam al-inta ma siidah ? Siidah bas yuguul kan yanjah aw yafchul. Wa akiid hu yanjah achaan Rabbina bas yinajjihah.