Popular Bible Verses from Tasniya 6

Share

Hibbu Allah Ilaahku be kulla guluubku wa be kulla fikirku wa be kulla gudritku.

Wa allumuuhum le iyaalku wa kallumu beehum fi l-beet wa fi l-safar wa wakit raagdiin wa gaaymiin.

Wa l-wasaaya al-nantiihum leeku al-yoom dool, ahfadoohum fi guluubku.

Asmaʼo, ya Bani Israaʼiil ! Allah Ilaahna hu Allah al-Waahid.

Wa sawwuuhum misil alaama al-tarbutuuha fi iideeku wa misil hilaal al-tiʼalluguuh fi jabhaatku ambeenaat uyuunku.

Wa aktubuuhum fi iidaan biibaan buyuutku wa fi madkhal hillaalku.

Wa akhaafo min Allah Ilaahku wa leyah hu bas, aʼabuduuh wa be usmah hu bas, ahalfu.

Wa Allah Ilaahku yiwaddiiku fi l-balad al-hu halaf le juduudku Ibraahiim wa Ishaakh wa Yaakhuub wa gaal yantiiha leeku, be mudunha al-kubaar wa adiiliin al-intu ma baneetuuhum. Wa l-ard indaha buyuut al-malaaniin be l-khumaam al-intu ma sabbeetuuh wa biyaar al-intu ma nakattuuhum wa jineenaat inab wa zaytuun al-intu ma maggantuuhum. Wa wakit taakulu wa tachbaʼo, fakkuru ma tanso Allah al-maragaaku min Masir balad al-ubuudiiye.

Daahu al-wasaaya wa l-churuut wa l-gawaaniin al-amar beehum Allah Ilaahku le niʼallimhum leeku wa titabbuguuhum fi l-balad al-intu maachiin tichiiluuha warasa. Wa da achaan takhaafo min Allah Ilaahku intu wa iyaalku wa iyaal iyaalku wa tahfado fi kulla muddit hayaatku kulla l-churuut wa l-wasaaya al-nantiihum leeku. Wa be da, umurku yabga tawiil.

Wa tisawwu al-adiil wa l-zeen giddaam Allah. Wa da, achaan talgo al-kheer wa tichiilu al-balad al-adiile al-fi chaanha Allah halaf yantiiha le juduudku.

achaan Allah Ilaahku al-gaaʼid fi usutku hu Ilaah khayyuur yaʼni ma yidoor taʼabudu ilaah aakhar. Wa kan khidib leeku khadabah yikammilku min wijh al-ard.

Ma titaabuʼu ilaahaat aakhariin hana l-chuʼuub al-mujaawiriinku

Ma tijarrubu Allah Ilaahku misil awwal jarrabtuuh fi Massa (maʼanaatah al-tajriba).