Popular Bible Verses from Tasniya 7

Share

Wa be da, taʼarfu tamaam kadar Allah Ilaahku, hu bas al-Rabb. Wa hu saadikh wa yahfad muʼaahadatah wa kheerah le alif zurriiye. Wa da, le l-naas al-yihibbuuh wa yitabbugu wasiiyaatah.

Achaan intu chaʼab mukhassasiin le Allah Ilaahku wa Allah Ilaahku azalaaku min kulla l-chuʼuub al-gaaʼidiin fi l-ard le tabgo chaʼabah halaalah.

Achaan Allah yihibbuku bas, hu hafad al-haliife al-halaf beeha le juduudku. Wa fi chaan da bas, hu maragaaku be iid chadiide wa fadaaku min iid Firʼoon malik Masir balad al-ubuudiiye.

Wa Allah habbaaku wa azalaaku ma achaan intu katiiriin min kulla l-chuʼuub al-aakhariin. La ! Intu bas al-chiyya.

Wa intu tabgo mubaarakiin ziyaada min kulla l-chuʼuub al-aakhariin wa fi lubbuku, ma fi raajil wa la mara aagre wa ma fi bahiime aagre fi lubb bahaayimku.