Popular Bible Verses from Tasniya 5

Share

«Karrim ammak wa abuuk misil ana Allah Ilaahak amartak beyah achaan umrak yabga tawiil wa talga al-kheer fi l-ard al-nantiiha leek ana Allah Ilaahak.

Chiilu daayman derib Allah Ilaahku al-amaraaku beyah. Wa be da, tahyo wa umurku yabga tawiil wa tiʼiichu adiil fi l-balad al-tichiiluuha warasa.

Wa ma tasjud giddaam al-asnaam dool wa la taʼabudhum achaan ana bas Allah Ilaahak. Ana Allah khayyuur yaʼni ma nidoor taʼabud ilaah aakhar. Wa ana niʼaakhib al-iyaal wa iyaal al-iyaal be zunuub abbahaathum lahaddi l-zurriiye al-taalta wa l-raabʼe kan humman yakrahooni. Wa laakin ana nisawwi al-kheer le aalaaf al-zurriiyaat al-yihibbuuni wa yitabbugu wasiiyaati.

«Ma tasnaʼ sanam fi ayyi hajim min al-achya al-gaaʼidiin foog fi l-sama aw tihit fi l-ard aw fi lubb al-almi al-fi l-ard.

«Ma taʼabud ilaahaat aakhariin illa ana.

«Ma tahlif be usmi ana Allah Ilaahak be kidib achaan al-yahlif be usmi be kidib, ana Allah ma najʼalah bari.

Wa nitmanna kulla yoom humman yakhaafo minni wa yitabbugu kulla wasiiyaati. Wa da le yalgo al-kheer, humman wa iyaalhum ila l-abad.

«Ahfad yoom al-sabt wa ajʼalah yoom mukhaddas misil ana Allah Ilaahak amartak beyah.

«Ma titmanna marit jaarak. Wa la tatmaʼ fi beet jaarak wa la zerʼah wa la abdah wa la khaadmah wa la toorah wa la humaarah wa la ayyi cheyy hanaayah.»

«Ma tazna.

«Ma tachhad be kidib fi ayyi waahid min jiiraanak.

«Ma taktul dimme.

«Ma tasrig.

Wa azzakkar kadar inta bigiit abid fi balad Masir wa ana Allah Ilaahak maragtak be iid chadiide wa be duraaʼ gawi wa fi chaan da, ana Allah Ilaahak amartak tikarrim yoom al-sabt.

Inta takhdim le muddit sitte yoom wa tikammil kulla khidimtak. Wa laakin al-yoom al-saabiʼ, hu sabt leyi ana Allah Ilaahak. Fi l-yoom da, ma takhdim ayyi cheyy, wa la inta wa la awlaadak wa la banaatak wa la abiidak wa la khadiimak wa la tiiraanak wa la hamiirak wa la kulla bahaaymak wa la l-ajaanib al-gaaʼidiin maʼaak fi hillitak. Wa da yikhalli abdak wa khaadmak kula yinjammo mislak.

«Ana Allah Ilaahak bas al-maragtak min Masir balad al-ubuudiiye.