Popular Bible Verses from Azaya 44

Share

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Ŋ̀wála-wâla kélee Yâwɛɛ, Eezuɛ kaloŋ, nyii gáa a ŋ̀uŋ ma ƃô-nuui Ɣalai, a m̀ôi ǹyɛɛi, “Ńyãa ƃa mɛni kélee kɔ́ɔ-pilanii da gbɛɛ ŋá Ɣala. Ɣâla da kpɛ́ni fé naa é kúla ḿbôlu.

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Ŋánûa, káfe yào. M̀ɛni-ŋai pâi kɛ̂i, ŋá gélee ƃo kâa a gɔ́ɔ-pilani. Káa kpîŋ ka gɔ́lɔŋ. Kákaa a ŋásêre-ŋa. Ɣâla da kpɛ́ni káa naa é kúla ḿbôlu? Kɔni da fé naa é kpanaŋ yɛ̂ɛ ńyãa. Fé dɔnɔ kpîŋ da kɔ́lɔŋ.”

Ńyãa ƃa kákpɛtɛ Ɣâlai Yâwɛɛ. É síɣe tãi ma ŋá kákpɛtɛ lai, fé tá ńyee kula ní kámu. Óo Zeeka, ŋátii kɛ́-nuui, ífe yào, Zesuruŋ ƃiai ŋá zìɣe zui.