Popular Bible Verses from Azaya 43

Share

Ka m̀ɛni nina-ŋai káa ŋa gɛ̂i. Ŋa pâi pere lâai vɛ̃ɛ-kpâlaŋ su. Ŋa pâi gɛ̂i ya-ɣɛ̂li-pɛlɛɛ dí láa naa.

Kà kɛ̀ tɛɛ̂i ya-ɣiliŋ kpanaŋ su, sɛŋ da fé pâi kɛ̂i a káa. Ŋa pâi kɛ̂i kákɔlɛ. Mɛni kpânaŋ da fé pâi wɔ́lɔ káyee mɛi ɣâlei. Ka sìa ŋɔŋ su vé pâi kákêreni. Su-kɔ̂ɔŋ kpanaŋ da fé pâi wɔ́lɔ káyee mɛi ɣalei.

Kɛ́lɛ Yâwɛɛ a m̀ôi ǹyɛɛi, “Ka nia m̀ɛni-pɔlɔ-ŋai dîa. Káfe kànaŋ dîa.

Eezuɛ-ŋa, Yâwɛɛ nyii núu-kpune kpɛ̀tɛi, a m̀ôi kâa ǹyɛɛi, “Káfe yào. Ŋa pâi káŋuŋ maa ƃôi kákpɔara-ƃelai yêei. Ńyãa ƃé kásìɣe zu a gɛ́ɛ ká kɛ́ a ŋátii kɛ́-ƃela. Kákaa a ḿbɔɔ.

Ŋa pâi lɔii ŋuŋ da kpɛ́ni-ŋa su-ƃela tɛɛ̂i kákpɔara-ƃelai pɔ́ a gɛ́ɛ ká ŋuŋ ma ƃo sɔlɔ ƃó. Ŋa pâi gɛ̂i tí, kpɛ́ni fêi, ŋa káwɛli ni kámaa mɛni kpanaŋɔɔ ḿâ.

Ńyãa ƃa Káɣâlai Yâwɛɛ. Ńyãa ƃa Eezuɛ Ŋɔɣâlai Maa Waai. Ńyãa ƃa kákula yêei kɛ́ Ɣalai. Ŋa pâi Ize-ŋai tɛɛ̂i a fela-fêi kápɔɔ ŋá. Ŋa pâi kámaa fálenîi a Itiopia da Seƃa-ƃelai.

Ŋ́gaa kákɔlɛ a ɣele kélee káfe yào. “Ŋa pâi kánûai kulâi vóloi kulâi-pere da vóloi liî-pere kpóŋ ma. Ŋa pâi pâi pôlu a kánûai kákpɔɔi lɔii ma.

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

“Eezuɛ-ƃela, káa ƃa ŋásêre-ŋa. Ŋá kásìɣe zu a gɛ́ɛ ká kɛ́ a ŋátii kɛ́-ƃela, a gɛ́ɛ ká gɔ́lɔŋ ńyãa nɔ́ ƃa Káɣâla tɔnɔi, ká láa a ńyãa. É kúla ḿbôlu, ɣâla da kpɛ́ni kélee fé naa. Da fé naa, ǹyaŋ da fé pâi wɔ́lɔ kɛ̂i naa.

“Ńyãa nɔ́ ƃa Yâwɛɛ. Ńyãa nɔ́ ƃa kákula yêei kɛ̀ kákpɔara-ƃelai yêei.

Ŋ́gaa a Ɣâla, ǹyaŋ ŋa pâi kɛ̂i a Ɣâla wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri kulâi ŋáwala-walai mu. M̀ɛnii ŋa gbɛ̀tɛi, núu da fa pɔ̂ri m̀aa fálenîi.”

Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la. Ńyãa ƃé ŋánûai kpɛ̂tɛ. Dia máŋ da pâi laa maa tɛ̂ wule-ŋa toôi ḿâ.”

Ŋa pâi m̀ôi yá-ŋûa lɔii-kpiniŋ ma a gɛ́ɛ é ŋánûai tɛ́ɛ, ŋá m̀ó séɣai-pere lɔii kpiniŋ ma a gɛ́ɛ vé kànaŋ dîa. Tɔɔ ŋánûai dí kúla ǹɔii ŋuŋ su kôyaa-ŋai su, da ŋ̀éniɛi gwaa kélee. Díkaa a ŋánûa. Ŋá díkpɛ̀tɛ a gɛ́ɛ díkɛ laa maa tɛ̂ tɛ̀ɛ ḿbɔ.”

Yâwɛɛ è wɔ́lɔ pere lâa Yúo Kpɔ̂lu sâmai kámɛni ma. È kɔ-kuluƃa kpulu su-kàra nyíi-ŋai kɛ̀ soo-ŋa mɛi, da soo sia-kêleŋ-ŋai sui. Díkelee dí tòo da fé pɔri ní m̀u-siɣêi. Díkelee dí nìiŋ yɛ̂ɛ da ŋɔŋ lìiŋ.

Ńyãa ƃa Yâwɛɛ, Káɣâla Maa Waai. Eezuɛ-ŋa, ńyãa ƃé kákpɛ̀tɛ. Ńyãa ƃa Kákâloŋ.”