Popular Bible Verses from Azaya 45

Share

Ŋa pâi tɔɔ-sãa tɛɛ̂i ípɔ nyii núu-kpune da fé pâi kɛ̂i a ǹaa kɔ́lɔŋɔɔi. À kɛ̀ tí, gɛ̀ ní ya pâi gɔ̂lɔni a gɛ́ɛ ńyãa ƃa Yâwɛɛ, Eezuɛ Ŋɔɣâlai nyii a ítòli a ílaai.

“Ńyãa kpîŋ ƃé pâi tɔɔ̂i ítuɛ. Ŋa pâi ǹyée pɛlɛ-pɛlɛɛi da gbaya-kpayai wôloi íperêi, ŋá m̀ara siɣãŋ-ŋai wólo, ŋá ǹá kɔli kôya-goyai fũa-fũa.

“Ńyãa ƃa Yâwɛɛ. Ɣâla da kpɛ́ni fé naa é kúla ḿbôlu. Ŋa pâi íkponôi kpanánîi, berei máŋ ífe ŋ́gɔlɔŋ lai. Ŋa pâi gɛ̂i tí a gɛ́ɛ ŋ̀éniɛi gwaa kélee su-ƃela dí gɔ́lɔŋ a gɛ́ɛ ńyãa ƃa Yâwɛɛ, ǹyaŋ Ɣâla da kpɛ́ni fé naa é kúla ḿbôlu.

Ńyãa ƃé kpíni da kwaa ponóɔɔ kpɛ̀tɛ. Ŋa lûwa làa nûa dîa, ŋ́gɛ mɛni kpɔ̂lu làa da-ŋa dîa. Ńyãa ƃa Yâwɛɛ. Ńyãa ƃa m̀ɛni-ŋai ŋí kɛ̀.

“Ka tínaŋ ḿbɔ naa pere ka ƃálo-laa sɔlɔ ƃó, káai a ŋ̀éniɛi su-ƃelai! Ka tínaŋ ḿbɔ naa pere, kpɛ́ni fêi, ńyãa nɔ́ ƃa Káɣâlai. Ɣâla da kpɛ́ni fé naa é kúla ḿbôlu.

Yâwɛɛ a Sarɔ siɣe zu a gɛ́ɛ í kɛ́ a ŋátii kɛ́-nuu. È zìɣe zu a gɛ́ɛ é lɔii ŋuŋ-ŋa mɛi kâloŋ-ŋa yée mɛi ɣále. A pâi daa-lêe-ŋai maa kóli siɣãŋ-ŋai wôloi berêi. Yâwɛɛ è m̀o ŋɔ́nɔ Sarɔ ma ǹyɛɛi

M̀ɛnii ŋa mòi, ǹyaa nɔ́ ƃa kɛ̂. M̀aa fa fâleŋ. Ŋ́oo da fa tòo kpɛ́ni-kpɛni. Fúlu-sãa kélee da pâi pîlanii díŋume ŋá ŋ́ɛi túɛ, dí díkono tée a gɛɛ da pâi ƃaa kɛ́-maa tɛɛ̂i ḿbɔ.

Ŋá ísìɣe zu a gɛɛ í kpɔŋ mâa tɛɛ ŋátii-ƃelai Eezuɛ-ŋai pɔ́, ǹûai nyii ŋá dísìɣe zui. Ŋá gɛ́ ƃaa kɛ́ maa támaa kɛ́ ƃò yâ, berei máŋ ífe ŋ́gɔlɔŋ lai.