Popular Bible Verses from Isa 42

Share

Re' hin i Dios, xin sik'wik awach, eh hin xiye'wik awajaawriik reh chi naa ak'amam chaloq i k'acharik parub'ehel chinaah i wach ak'al. Eh chi re' hat naa aq'oriik rib'iral i naa nub'anam kuuk' i tinamit, re' hat i kisaqumaal i tinamit. Reh chi naa atehem inaq'kiwach i moywach eh chi naa taqe awisam cho panti' k'axik i wilkeeb' prexo. Eh chi naa taqe awesam chaloq pan q'equm i wilkeeb' panq'equm.

Re' hin, Dios nim wajaawriik i nub'ihnaal, maayeew taq inuloq'il keh i tokoom, maayeew taq runimaal kiwach taqe i tiyoox chi nujilow i hin.

Re' Dios je' wili xuq'or: Re' wili i waj kamanoom, inusik'im wach, q'e' nuk'ax, eh suq nuk'ux chi riij. Eh naa nuye'em i Wuxlab'al chinaah, eh naa ruq'orom i rukorkiil wach nuk'ux keh chu'nchel i tinamit.

Eh naa rutoob'eem taqe i je' paxeel kaxlan aaj, eh je' wo' taqe i je' taqe q'aaq' xa k'isiin intzub'ik rusib'eel. Xti korik la' chi re' reh naa ruk'amwiik chaloq i wihik parub'ehel. Eh ma' naa ta ruq'uhtiik, ma' naa ta rub'anam kiib' ruk'ux. Korehtaal la' i ruyeew i k'acharik parub'ehel chinaah i wach ak'al. Eh re' i wilkeeb' chi chii' i palaw k'ahchi' kuy-eem chi narojiik eloq wach i re', inki.

Eh naa nuk'amam kib'eeh i moywach chupaam i b'eeh ma' keht'al taj, naa taqe nuk'amam chupaam i b'eeh ma' jank'al ta ki-ik'ik wii'. Eh naa nusutem chi saqum i q'equm wilkeeb' wii' re' taqe i b'eeh b'uuk'laq paam naa nukanaam chi jiik kiwach. Re' taqe i wili naa nub'anam kuuk' i ma' naa ta taqe nukanaam chi kutkeel.

Eh re' i xnuq'or cho pampeet xooj wo' eloq wach, yu'naak ko ak' chik taqe i nuq'or. Re' hin k'achi' taq nuq'orom rib'iral aweh noq komajaa' nilarik, inki Dios.