Popular Bible Verses from Pro 21

Share

Ri wineq ri kan nucha' ruk'u'x chi kan choj y jebel runa'oj nuben kik'in ri ch'aqa' chik winaqi', kan k'o urtisanik ri xtril, roma ri' xtiyaloj xtik'ase', ri winaqi' choj xtikiben rik'in y xtikiya' ruq'ij.

Ri wineq ri kan nuch'ob jebel ri achike nuben y nisamej kow, kan k'o k'a más ri xtik'oje' rik'in; jak'a wi xa niparel y man nuch'ob ta chi utzil ri nrajo' nuben, xa nibe pa xulan.

Ri wineq ri kan nitikir nuq'et ri ruchi' y nitikir nuq'et ri raq' richin man yekibij ta etzelal, kan retaman-wi nuchajij ri ruk'aslen, richin man napon ta pa bis.

Ronojel rubeyal k'aslen, kan e choj yeq'alajin chuwech ri wineq; jak'a ri Jehová nupej y nutzu', achike roma toq ri ránima ri wineq xurayij ri bey ri ruk'uan.

Ri kiej, richin chi nuk'uex pa jun oyowal, kan nitijox k'a jebel, jak'a ri ch'akonik richin ri oyowal, ri' ja ri Jehová ri nibanon.

Ri wineq ri kan ja ri ruchojmilal y ri rubeyal ri nutej ruq'ij chi nuben pa ruk'aslen; kan jari' ri más niqa' chuwech ri Jehová, ke chuwech ri nusuj ta kamelabel chire.

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.