Popular Bible Verses from Pro 15

Share

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Ri rukiy ri Jehová chuwech ri wineq, kan jari' ri nik'utun ri na'oj chuwech; roma ri wineq k'o chi nuqasaj-ri' chuwech ri Dios nabey, richin nik'oje' ruq'ij.

Ri utzilej taq ch'abel ri kan ye'aq'oman, e junan rik'in ri che' ri niya'on k'aslen; jak'a ri itzel taq ch'abel ri richin nikiben etzelal, nuya' pa q'axo'n ri wineq.

Ri akuchi e maneq winaqi' ri yeya'on ta utzilej taq na'oj, ri samaj xa man yebanatej ta; jak'a ri akuchi ek'o winaqi' yeya'on utzilej taq na'oj, ri samaj ri e ch'obon kan yebanatej-wi.

Ri nikikot ránima ri wineq, jari' ri nibanon chire chi kan nitze'en ruwech; jak'a ri xa niq'axon ránima, jari' ri nibanon chire chi rukajman nitzu'un.

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Kan más wi utz chi xa juba' ok ri k'o rik'in jun wineq y k'o rukiy ri Dios chuwech; y mani janila chi beyomel y xa maneq rutzil ri k'aslen.

Ri wineq ri kan richin wi chi niyakatej royowal, xa nuyek oyowal chikikojol ri winaqi'; jak'a ri wineq ri kan ch'uch'uj ránima, kan nuqasaj ruwi' oyowal.

Ri ránima ri wineq ri choj ruk'aslen, kan nuch'ob na jebel ri nubij chire ri nik'uluben richin; jak'a ri pa ruchi' ri wineq itzel, kan yecholol ye'el-pe ri itzel taq ch'abel.