Popular Bible Verses from Pro 14

Share

Kan k'o-wi k'a bey ri choj niq'alajin chuwech ri wineq; jak'a ri pa ruk'isibel nibeq'alajin-pe chi xa bey richin kamik.

Kan nuya' k'aslen chire ri ch'akulaj, toq ri ránima ri wineq kan utz; jak'a toq k'o ch'upun-k'u'x pa ránima, xa nuya' ruyabil ri rubaqil.

Jun wineq ri man chi'anin ta nipe royowal, kan k'o-wi nim etamabel rik'in; jak'a ri xa chi'anin nijalajo' chuwech, xa niq'alajin chi maneq runa'oj.

Jun ixoq aj-na'oj kan nitikir-wi nuben chi kow yek'oje' ri aj pa rachoch; jak'a ri xa maneq runa'oj, xa ja rija' yetalun-el kichin.

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

Ri akuchi nalex-wi-pe ri k'aslen, ja ri akuchi kan k'o rukiy ri Dios; y re' chuqa' kan nukol ri wineq chuwech ri pikbel ri kan ruk'amon-pe kamik.

Ri wineq ri k'o na'oj rik'in, kan nuxibij-ri' chuwech ri Dios y man nutzeqelibej ta ri itzel bey; jak'a ri xa maneq runa'oj xa choj beneq y nim nuna-ri'.