Popular Bible Verses from Pro 16

Share

Kan pa ruq'a' k'a ri Jehová tajacha-wi ronojel samaj ri nawajo' natikiriba'; richin chi ronojel ri ach'obon chi naben, kan yek'achoj-wi k'a.

Ri runojibal ri wineq kan nisamej-wi chuch'obik ri rubeyal ri k'aslen, jak'a ri ruxaka'l ri xtuya', k'a ja na ri Jehová xtik'utu chuwech akuchi nuk'uaj-wi

Roma ri' ri ruki'il ri ruch'abel, kan junan ruki'il rik'in ri kab ri nikiya' ri taq chikopi'; kan nuya' ruki'il ri k'aslen y nuya' raxnaqil chire ri ch'akulaj.

Kan pa ruch'obonik wi k'a ri wineq nipe-wi ri achike nrajo' nuben; jak'a richin chi nibanatej ronojel ri', k'a ja na ri Jehová nibin wi nibanatej o ni.

Kan janila k'a rejqalen chi ri wineq nuq'et-ri' chire ri royowal, ke chuwech nuk'ut chi man nuxibij ta ri'; y chuqa' kan más jebel nich'akon chirij ri royowal, ke chuwech ri nuch'ek ta jun tinamit.

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Ronojel rubeyal k'aslen, kan e ch'ajch'oj yeq'alajin chuwech ri wineq; jak'a ri Jehová nunik'oj achike roma toq ri ránima ri wineq nucha-el jun chike ri bey.

Ri wineq ri kan nuch'ob rij jebel ri achike ri nuben, kan nibe-wi pa jotol; jak'a ri wineq ri kan nroyobej ruto'onik ri Jehová, kan nril-wi urtisanik.

Más utz xa juba' ok ri nik'oje' pa ruq'a' ri wineq y rik'in ruchojmilal ruch'akon-wi; y mani beneq pa jotol rik'in ronojel ri nuch'ek, y xa nutz'oq chuwi-kiq'a' ri winaqi'.

Kan k'o-wi k'a bey ri choj niq'alajin chuwech ri wineq; jak'a ri pa ruk'isibel nibeq'alajin-pe chi xa bey richin kamik.

Ri wineq ri nukusan y nelesan tzij, xa nutik k'a oyowal; y ri kamuluy-tzij kan nitikir yeruch'er ri kan kachibil-ki'