Popular Bible Verses from Pro 13

Share

Ri wineq kan nok k'a aj-na'oj, toq kan ja ri aj-na'oj yerachibilaj; y wi xa yerachibilaj ri xa maneq ok kina'oj, nuq'axaj k'a ruk'ayewal.

Ri wineq kan nuchajij k'a ri ruk'aslen, rik'in nuchajij ri ruchi'; jak'a ri bilon man bilon ri yerubila', ja rija' k'a nikanon ri nipe chirij.

Ri man nrajo' ta nukusaj ri xik'a'y richin nuch'ey ri ralk'ual, xa man nrajo' ta k'a; jak'a ri tata'aj ri kan nrajo' ri ralk'ual, kan nucha' ruk'u'x richin nutijoj jebel.

Toq xa man nibanatej ta ri royoben-apo jun wineq, xa nuya' q'axo'n pa ránima; jak'a toq kan niq'ajer ri rurayibel, kan nok achi'el ri che' ri nuya' k'aslen.

Ri chojmilej k'aslen, jari' ri nito'on richin ri wineq ri kan tz'aqet ruk'aslen, jak'a ri itzel taq banobel, jari' ri nibanon chi nitzaq ri aj-mak.

Ri man utzilej beyomel ta ri nuben jun wineq, xa nik'is; jak'a ri beyomel ri nuben ri wineq rik'in ruchuq'a' ri ruq'a' rija', ninimer chuwech.

Ri nimirisanenri'il, jari' ri nibanon chi k'o oyowal, jak'a kik'in ri kan nikak'axaj ri pixabanik, kan k'o na'oj.

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Ri alk'ualaxel ri kan k'o runa'oj, kan niqa' chuwech chi nitijox roma ri rutata'. jak'a ri alk'ualaxel ri kan nunimirisaj-ri' man nrak'axaj ta ni rik'in ch'olinik.

Meba'il y k'ixbilal k'a nuk'en-pe chire ri wineq ri xa man nrajo' ta pixabanik; jak'a ri wineq ri kan nuk'ul ri ch'olinik ri niban chire, kan niya'ox-wi ruq'ij.