Popular Bible Verses from Pro 12

Share

Ri bis kan nuben k'a chire ri wineq chi maneq kikoten pa ránima; jak'a jun utzilej ch'owen, kan nuben chi nikikot ránima ri wineq.

Xabachike k'a wineq ri utz nuna' nitijox, kan utz k'a nuna' chire ri etamabel; jak'a ri xa itzel nuna' chire ri ch'olinik, xa maneq runa'oj.

Ek'o winaqi' ri man nikipoqonaj ta yech'on, y ri kich'abel xa yesokon achi'el espada; jak'a ri kaq' ri kan k'o-wi na'oj kik'in, ri ch'abel ri yekibij kan ye'aq'oman k'a.

Ri xa maneq runa'oj kan nuch'ob chi ri rubanobal rija' jari' ri utz, jak'a ri kan k'o runa'oj, xa k'a nrak'axaj na ri nikibij ri ch'aqa' chik winaqi'.

Ri xa maneq runa'oj kan chi'anin nuk'ut chi k'o royowal; jak'a ri kan nowineq man nuk'ut ta ri ruk'ixbilal, roma niqasex ruq'ij.

Ri ixoq ri kan ja ri pa ránima nipe-wi richin nuben utz, nunimirisaj k'a ruq'ij ri rachijil; jak'a ri ixoq ri xa ruyon man utz ta ek'o pa ránima, xa nuya' ruyabil ri rubaqil ri rachijil.

Ri Jehová kan yeretzelaj ri winaqi' ri nikikusaj ri kichi' richin yetz'ukun-tzij; y kan nikikot ri ránima kik'in ri kan jantape' qitzij yech'on.

Ri wineq ri kan choj ruk'aslen, kan jebel nok uk'uey bey richin ri rachpochel. Jak'a ri rubey ri kik'aslen ri e banoy richin ri etzelal, yerusech ri kachpochel.

Ri ch'abel ri yerubij jun wineq ri xaxe ri qitzij ri nubij, kan yeyaloj k'a; jak'a ri ch'abel ri yerubij jun wineq ri xa tz'ukuy-tzij, xaxe ok richin jun ti ramaj.