Popular Bible Verses from Pro 11

Share

Ri wineq ri kan man nuk'ek'ej ta nusipaj ri k'o rik'in, kan xtuk'ul k'a rajel-ruk'exel, y toq nuya' ruya' jun ri nichaqchi'in, rija' chuqa' kan k'o ri xtisipan ruya'.

Ri winaqi' ri man nikik'ek'ej ta yesipan, kan jantape' k'iy k'o kik'in, y ri xa kan nikipoqonaj nikisipaj ri k'o kik'in, jantape' man jun k'o kik'in.

Toq nipe nimirisanen pa ruk'aslen ri wineq, xa kan k'o chuqa' ri niqasan ruq'ij, jak'a ri wineq ri xa ch'uti'n nuna-ri' kan q'alaj chi ri na'oj kan k'o rik'in.

Ri tinamit k'a ri akuchi xa e maneq utzilej uk'uey bey, xa nitzaq, jak'a xa nikolotej ri tinamit ri akuchi kan ek'o winaqi' ri k'o utzilej taq na'oj kik'in

Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen; y ri wineq ri kan k'o runa'oj, kan yeruch'ek k'aslen richin ye'ok richin ri Dios.

Ri wineq ri xaxe tzij nuben, kan man jun ri xtipa'e' chuwa ri raq', jak'a ri wineq ri kan choj ránima, kan yeruyek ri pa ránima ri yebix chire.

Jun wineq ri kan janila jebel runa'oj, kan k'o chuqa' utzil ri nuk'ul chike ri winaqi'; jak'a ri wineq ri kan janila itzel runa'oj, kan chuwech yan re ruwach'ulew nuk'ul-el etzelal.

Ri wineq ri kan nukuquba' ruk'u'x rik'in ri beyomel k'o rik'in, xa xtitzaq, jak'a ri kan choj ri ruk'aslen, kan nibek'ulun-pe achi'el ri rex ruxaq-che'.

Toq ri Dios xtuq'et-tzij, ri beyomel xa man xtukol ta ri wineq, jak'a ri chojmilej k'aslen kan nukol ri wineq chuwech ri kamik.

Ri kan tz'aqet ri ruk'aslen, ja ri ruchojmilal ri ruk'aslen ri uk'uey rubey; jak'a ri wineq ri xa ruyon man qitzij ta ri yeruben, ja ri itzel rubanobal ri nisachon richin.

Achi'el jun wiqobel ri banon rik'in q'anapueq y xa chirutza'n jun aq k'o-wi, xa keri' k'a ri jun jebejoj ok jun ixoq y xa nuk'ut chi maneq retamabal.

Ri Dios kan man utz ta yerutz'et ri winaqi' ri ye'ukusan pajbel ri xa ye'eleq', jak'a kan nikikot ri ránima kik'in ri winaqi' ri ye'ukusan pajbel ri kan e tz'aqet