Popular Bible Verses from Rouman 5

Share

Ma Diou a da a counossi so amour ënvers noui aiti ënt sò‐ssi, chë, quand i erou mac pecatour, Crist a l è mort për noui.

Oura la speransa a da nen roussour, përché l’amour d’Iddiou a l è difus ënt nosti cœur dal Spirit Sant ch’a l è stà‐ne dait.

E nen mac lon, ma i së glourificouma fin ënt le afflissioun, savend chë l’afflissioun a proudu la passiensa; E la passiensa l’esperiment; e l’esperiment la speransa.

Essend dounque giustificà da la fede, i ouma la pass coun Diou, mediante Nossëgnour Gesu‐Crist; ’L qual dëcò a l ha mënà‐ne për la fede a sta grassia, ënt laqual i së tënouma ferm; e i së glourificouma fin ënt la speransa dë la gloria d’Iddiou.

Përché quand i erou ëncoura priv dë tutta forsa, Crist a l è mort ënt so temp për i empi.

Moutouben dë pi dounque, essend adess giustificà për meso dë so sang, saroum‐ne salvà dal ira, da chiel.

Përché sicoum për la disubbidiensa d’un soul om diversi a soun rëstà pecatour, coussì për l’ubbidiensa d’un soul diversi a rëstëran giust.

E nen soulament, ma i së glourificouma anche ën Diou për Nossëgnour Gesu‐Crist; për meso dël qual i ouma adess outëni la ricounciliassioun.