Popular Bible Verses from Rouman 6

Share

Përché la mercede dël pëcà, a l è la mort; ma ’l doun d’ Iddiou, a l è la vita eterna ën Gesu‐Crist, Nossëgnour.

Përché ’l pëcà a l avrà nëssun impero sù voui aiti, përché ch’i si nen souta la legge, ma souta la grassia.

I souma dounque sepoult coun chiel ënt soua mort mediante ’l batesim; afin chë sicoum Crist a l è arsussità d’i mort da la gloria dël Pare, i vivou dëcò d’una vita nueva.

E impieghe nen vosti membri për essi d’i istrument d’iniquità al pëcà; ma impieghe‐ve a Diou coum da mort essend fait vivent, e vosti membri d’i istrument dë giustissia a Diou.

Savend sò‐ssi, chë nost om vei a l è stait crucificà ënsem a chiel, për chë ’l corp dël pëcà a sia distrut; për ch’i servou pi nen ’l pëcà.

Voui aiti dëcò për l’istess, fe vost count ch’i si mort al pëcà; ma vivent a Diou, ën Gesu‐Crist Nossëgnour.

Cosa diroum‐ne dounque? Staroum‐ne ënt ’l pëcà, për chë la grassia a abbounda? Diou guarda! noui ch’i souma mort al pëcà, coum i vivroum‐ne ëncoura?

Seve nen benissim chë a chiounque ch’i vë rende sciav për ubbidi, i si sciav dë coul ch’i ubbidisse, sia dël pëcà a la mort; sia dë l’ ubbidiensa a la giustissia?

Oura, grassia a Diou dë lon ch’essend stait i sciav dël pëcà, i eve ubbidi dël cœur a la fourma espressa dë la doutrina ënt laqual i si stait educà. Essend dounque liberà dal pëcà, i si diventà servi dë la giustissia.