Popular Bible Verses from Rouman 4

Share

E a l ha avù nëssun dubi sù la proumessa d’Iddiou për diffidensa; ma a l è stait fourtificà da la fede, dasand gloria a Diou; Essend pienament persuas chë coul ch’a l avia fà‐ie la proumessa, a l era dëcò poutent për coumpi‐la.

Secound lon ch’a l è scrit: I l’heu stabili‐te pare dë diverse nassioun, dënans a Diou, ënt ’l qual a l ha crëdù; ’l qual a fa vivi i mort, e ch’a ciama le cose ch’a soun nen, coum s’a fussou.

’L qual a l è stait buttà a mort për nosti pëcà, e ch’a l è arsussità për nosta giustificassioun.

E avend sperà countra speransa, a l ha crëdù ch’a diventëria ’l pare dë diverse nassioun, secound lon ch’a l era stà‐ie dit: Coussì a sarà toua pousterità.

Dounque a l è dë la fede, për ch’a sia da la grassia, për chë la proumessa a sia assicurà a tutta la prole; nen soulament a coula ch’a l è dë la legge, ma dëcò a coula ch’a l è dë la fede d’Abraam, ch’a l è ’l pare dë tutti noui aiti.

Beati a soun coui chë le iniquità a soun përdounà‐ie, e ch’i pëcà a soun cuvert! Beato a l è l’om chë ’l Sëgnour a l avrà nen imputà‐ie pëcà!

Përché cosa dis‐la la scritura? Ch’Abraam a l ha crëdù a Diou, e a l è stài‐ie imputà a giustissia.