Popular Bible Verses from San Marc 7

Share

Përché a l è da drinta, ch’a veul di dal cœur d’i omini, ch’a seurtou i cattiv pensè, i adulteri, le fournicassioun, i oumicidi, I roubarissi, i mesi cattiv dë pié ’l ben dël prossim, le malignità, la frode, l’impudicità, l’eui ënvidious, la maldicensa, la superbia, la foulia. Tutti coui vissi a venou da drinta, e a soun coule cose ch’a sporcou l’om.

A i è niente dë lon ch’a l è fora dë l’om, che ëntrand drinta ënt chiel a peussa spourché‐lou, ma le cose ch’a seurtou da chiel, a soun coule ch’a sporcou l’om.

E chiel a i ha rispost, e a l ha di‐ie: Certament Esaia a l ha ben proufetisà dë voui aitri, ipocrita, coum a l è scrit: Coul popoul a m’ounoura d’i laver, ma so cœur a l è ben lountan da mi.

Ma a m’ounoura ën van, insegnand dë doutrine ch’a soun nen aut mac dë coumandament d’omini.

Përché lassand ’l coumandament d’Iddiou, i artene la tradissioun d’i omini, ch’a l è, dë lavé i tupin, e le coupe, e i fe tante aitre cose simil.