Popular Bible Verses from San Marc 6

Share

E a l ha di‐ie: Vëni ën fora, ënt un leug scartà, e arpouse‐ve ën poc; përché a i era moutoubin dë gent ch’a ëndasiou e vëniou: dë manera ch’a l aviou gnanca temp dë mangé.

Ma Gesu a l ha di‐ie: Un proufeta a l è sensa ounour mac ënt so pais, e ën mes a i so parent, e coui dë soua famia.

E Gesu essend surti, a l ha vëdù dë gran troup dë gent, e a s’è senti‐sse meuvi dë la coumpassioun për lour aitri, përché ch’a l erou simil a dë pecore sensa pastour; e a s’è buttà‐sse a insegné‐ie moutoubin dë cose.

E lì a l ha poudù fé gnun miracoul, fora ch’a l ha guari dountre malavi, impounend‐ie le man. E a së stupia dë soua incredulità, e a girava le bourgià d’i countourn, insegnand.

E quand ch’a l ha avù pià i sinq pan e i doui pess, guardand vers ’l ciel, a l ha dait gloria a Diou, e a l ha rout i pan, e peui a l ha dà‐ie ai so dissepoul, për ch’a i butteissou dënans a lour, e a l ha dividù ëntra tutti i doui pess. E a l’han mangià‐ne tutti, e a soun nurissé ben. E a s’è pourtà‐sse via doudess cavagne piene d’i toc dë pan, e queich avans d’i pess.