Popular Bible Verses from San Matteo 6

Share

Ma sërche primament ’l regno d’Iddiou e soua giustissia, e tutte ste cose a vë saran daite sù ’l patt.

Crussie‐ve dounque nen dël landouman; përché ’l landouman a l avrà cura dë lon ch’a i touca, basta a ogni dì soua pena.

Sicchè i vë diou: Crussie‐ve nen për vostra vita, dë lon ch’i avrì da mangé, o da beivi; nè për vost corp dë cosa i sarì vësti; la vita è‐la nen dë pi chë ’l nutriment, e l’ corp pi chë la vëstimenta?

Ma ti, quand të preghes, intra ënt toua stansa, e avend sarà la porta, prega to Pare, ch’a l è ënt coul post segret; e to Pare ch’a të ved ënt coul post segret, a t’arcoumpensërà publicament.

Voui dounque, preghe coussì: Nost Pare chë të seus al ciel, to nom a sia santificà. To regno a vena, toua voulountà a sia faita sù la terra coum al ciel.

Da‐ne ëncheui nost pan coutidian.

E përdoune‐ne i nostri debit, coum noui i përdounouma a coui ch’a l han ouffendù‐ne.

E lassë‐ne nen toumbé ën tentassioun; ma liberë‐ne d’ogni mal. Përché a l è a ti ch’a aparten ’l regno, e la poutensa, e la gloria për sempre. Amen.

Përché së voui i përdoune ai omini i so mancament, vost Pare ch’a l è al ciel, a vë përdounërà dëcò i vostri mancament.

Guarde i ousei dël ciel; përché nè a sëmenou, nè a mëssounou, nè a fan dë baroun ënt i granè, e però vost Pare ch’a l è al ciel a i gouerna; è‐lou ch’i vali pa moutouben dë pi chë lour?

Ëmbaroune‐ve nen dë tesor sù la terra, ch’i verm e ’l rusou a counsumou, e ch’i lader a pertusou e robou. Ma ëmbaroune‐ve dë tesor ënt ’l ciel, doua i verm e ’l rusou a counsumou niente, e doua i lader nè a pertusou nè a robou. Përché doua a l è vost tesor, là dëcò sarà vost cœur.

Gnun a peul servi doui padroun; përché, o a vourrà mal a un, e a vourrà ben a l’aut; o a s’affessiounërà a un, e dëpresiërà l’aut; i peuli nen servi Diou e Mammoun.

Së dounque Iddiou a creuv parei i camp d’un’erba ch’a sta ëncheui, e chë douman a l è campà ënt ’l fourn, vë vëstirà‐lou nen preferibilment, o gent dë poca fede?

Ma quand të fas toua limozna, chë toua man sënistra asappia nen lon ch’a fa la dritta; Për chë toua limozna a sia ën segret; e to Pare ch’a ved lon ch’a së fa ën segret, a t’arcoumpensërà publicament.

Pie guarda dë nen fé vostra limozna dënans a i omini, për essë‐ne guardà; sëdënò i n’arsëvrì nen la mercede da vost Pare ch’a l è al ciel.

E quand i giunërì, pie nen un’aria malinconica, coum a fan i ipocrita; përché a së rendou dësfigurà; për chë le gent a vëdou ch’a fan digiun; in verità i vë diou, ch’a arseivou soua mercede. Ma ti, quand të fas digiun, ouns toua testa, e lavë‐te ’l moustas; Për ch’a s’accorzou nen i omini chë të giune, ma to Pare ch’a l è prësent ënt to leug segret; e to Pare ch’a të ved ën to leug segret, a t’arcoumpensërà ën public.