Popular Bible Verses from San Matteo 5

Share

E a s’avisca nen ’l ciair për butté‐lou souta una mina, ma sù ’l candële, e a fa ciair a tutti coui ch’a soun ënt la ca. Ën counseguensa chë vostra luce a lusa dënans a i omini, për ch’a vëdou vostre boune opere, e ch’a glourificou vost Pare ch’a l è al ciel.

I si la luce dël mound; una sità pousà sù una mountagna, a peul nen essi nascoundùa.

Beati soun coui ch’a soun poulit dë cœur; përché a vëdran Iddiou.

Beati soun coui ch’a l han fam e sè dë la giustissia; përché a saran soudisfait.

Ma mi i vë diou: Bësogna voulei ben a vostri nemis, e benedi coui ch’a vë maledissou; fa dë ben e coui ch’a vë veulou mal, e preghe për coui ch’a vë maltrattou, e vë moulestiou.

Beati soun i pover ën spirit; përché ’l regno dël ciel a l è për lour.

Beati soun coui ch’a proucurou la pass: përché a saran ciamà fieui d’Iddiou.

Beati soun coui ch’a piourou; përché a saran counsoulà.

Beati soun coui ch’a soun perseguità për la giustissia; përché ’l regno d’Iddiou a l è për lour.

Beati soun i misericourdious; përché a i sarà fait misericordia.

I sarì beati quand a l avran ingiurià‐ve e perseguità‐ve, e quand, ën causa dë mi, a l avran dit falsament countra voui ogni sors dë mal. Arlegre‐ve, e saute dë goi; përché vostra mercede a l è granda al ciel; përché a l è dëcò parei ch’a l han perseguità i proufeta ch’a soun stait prima dë voui.

Beati soun coui ch’a usou d’umanità; përché a arditëran la terra.

I si la sal dë la terra; me së la sal ven a perdi so savour, coun cosa è‐lou ch’un pourrà salé‐la? A val pi nen aut ch’a essi campà fora e scarpisà dai omini.

Bësogna essi perfet, coum vost Pare ch’a l è al cìel a l è perfet.

Ma chë vostra parola a sia: Si, si; no, no; përché lon ch’a së dis dë pi a l è cattiv.

I avi senti ch’a l’è stait dit: Eui për eui, e dent për dent. Ma mi i vë diou: Arzisti nen al mal; ma së queicadun a të da sù la massëla dritta, prësente‐ie dëcò l’autra.

Së to eui drit a të fa brouncié, gavë‐lou, e campë‐lou via; përché a l è mei ch’un d’i to membri a perissa, chë së tut to corp a fussa campà ënt l’infern. E së toua man dritta a të fa brouncié, taië‐la, e campë‐la via; përché a l è mei ch’un d ’i to membri a perissa, chë së tut to corp a fussa campà ënt l’infern.