Popular Bible Verses from San Matteo 27

Share

E circa le neuv oure, Gesu a l ha crià a auta vouss, ën disand: Eli, Eli, lamma sabachthani? Ch’a veul di: Mio Dio, mio Dio! përché l’ has‐tu abbandounà‐me?

E eccou, ’l vel dël tempio a l è sciancà‐sse ën doui part, da aut ën bass; e la terra a l ha tramoulà, e le pere a soun sciapà‐sse. E i sepulcri a soun durvi‐sse, e diversi corp d’i sant, ch’a l erou mort, a soun arsussità.

Anloura Gesu avend ëncoura crià a auta vouss, a l è spirà.

Oura ’l sentëne, e coui ch’a coustoudiou Gesu ënsem a chiel, avend vëdù ’l terremot, e tut lon ch’a vënia dë sucedi, a l han avù una gran paura, e a l han dit: Sicurament coust‐ssi a l era ’l Fieul d’Iddiou.

Oura da sess oure a i è stà‐ie dë tenebre sù tut ’l pais, fin a neuv oure.

Pilat a l ha di‐ie: Cosa farai‐ne dounque dë Gesu, ch’a i diou Crist? Tutti a l han di‐ie: Ch’a sia buttà sù la crouss! E ’l gouvernatour a l ha di‐ie: Ma che mal ha‐lou fait? E a l han crià ëncoura pi fort, disand: Ch’a sia buttà sù la crouss!