Popular Bible Verses from San Matteo 28

Share

Ënde dounque, e insegne tutte le nassioun, batësandie a nom dël Padre, e dël Fieul, e dël Spirit Sant, E insegnand‐ie d’ousservé tut lon ch’i heu coumandà‐ve. E eccou, i soun sempre coun voui aiti fin a la fin dël mound. Amen.

E Gesu avësinand‐se a l ha parlà‐ie, ën disand: Tutta poutensa a m’è daita ënt ’l ciel e sù la terra.

Ma l’angel piand la parola, a l ha dit a le done: Për voui aite, pie‐ve nen paura; përché i seu ch’i serche Gesu, ch’a l è stait crucificà. A l è nen sì, përché a l è arsussità, coum a l avia dit; vëni, e guarde ’l post doua chë ’l Sëgnour a l era cougià.

Anloura Gesu a l ha di‐ie: Tëmi nen; ënde, e die a i mè fratei d’ëndé ën Galilea, e ch’a më vëdran ënsila.

Sù lon i sacrificatour a soun radunà‐sse coun i ansian, e dop d’avei counsultà, a l han dait una grossa souma dë dëne ai souldà, Disand‐ie: Di coussì: I so dissepoul a soun vënù dë neuit, e a l’ han roubà‐lou mentre ch’i durmiou. E së ’l gouvernatour a ven ch’a n’a senta parlé, i lou persuadërouma, e i vë buttërouma fora dë pena. Coussì lour avend pià i dëne, a l han fait coum a l aviou moustrà‐ie; e coula vouss a s’è sbardà‐sse fra i Ebreou, fin al dì d’ëncheui.