Popular Bible Verses from San Matteo 14

Share

Ma coum ’l vent a l era fort, a s’è spaventà‐sse; e coum a sfoungava già, a s’è buttà‐sse a crié, disand: Sëgnour! salvë‐me. E subit Gesu a l ha spourzù‐ie la man, e a l’ha pià‐lou, disand: Om dë poca fede, përché has‐tu dubità.

Ma coum ’l vent a l era fort, a s’è spaventà‐sse; e coum a sfoungava già, a s’è buttà‐sse a crié, disand: Sëgnour! salvë‐me.

Ma dël coulp Gesu a l ha parlà‐ie, e a l ha di‐ie: Ste chiet; i soun mi, abbie nen paura.

E Pietrou rispoundand, a i dis: Sëgnour! s’a l è ti, coumanda ch’i vadou da ti caminand sù le ounde. E Gesu a i dis: Ven. E Pietrou calà giù da la nav, a s’è buttà‐sse a caminé sù l’acqua për ëndé da Gesu.

Anloura coui ch’a l’erou ënt la nav, a soun vënù e a l’han adourà‐lou, disand: Për sicur të seus ’l Fieul d’Iddiou.

Ma Gesu a i dis: a i è nen da manca ch’a së n’a vadou; de‐ie da mangé voui aiti. E a i han rispost: I avouma sì mac sinq pan e doui pess.

E a i dis: Pourte‐m’ie sì. E dop ch’a l ha avù fait assëté sta gent sù l’erba, a l ha pià i sinq pan e i doui pess, e guardand ’l ciel, a l ha pregà Iddiou; e peui avend rout i pan, a l ha dà‐ie a i so dissepoul, e i dissepoul a la gent.

E tutti a l han mangià‐ne, e a l han avù‐ne prou; e a s’è pourtà‐ssëne via doudess pien cavagn dë toc dë pan ch’a soun stait d’avans.