Popular Bible Verses from San Matteo 15

Share

Ma le cose ch’a seurtou da la bouca a venou dal cœur, e coule cose lì a sporcou l’om. Përché dal cœur a seurtou i cattiv sentiment, i omicida, i adulteri, le fornicassioun, i robalissi, le fausse testassioun, le maldicense.

A l è nen lon ch’a intra ënt la bouca ch’a sporca l’om; ma lon ch’a seurt da la bouca, a l è lon ch’a sporca l’om.

Stou popoul a s’avësina da mi coun la bouca, e a m’ounoura coun i laver; ma so cœur a l è ben lountan da mi. Ma dëcò a l è un ounour a nulla, postou ch’a insegnou dë doutrine, ch’a soun mac dë coumandament d’omini.

Anloura Gesu rispoundand, a l ha di‐ie: O foumna! toua fede a l è granda; ch’a të sia fait a tenour dë lon ch’a të ten tant a cœur; e dël coulp soua fia a l è staita guaria.

Ma chila a l è vënùa, e a l’ha adourà‐lou, disand: Sëgnour! agiutë‐me. E a l ha rispoundù‐ie, e a l ha dit: A counven nen dë pié ’l pan dë le masëna, e dë campé‐lou ai cagnet. Ma chila a i dis: A l è vera, Sëgnour, però i cagnet a mangiou le frise ch’a toumbou da la taula d’i padroun.