Popular Bible Verses from San Giouan 3

Share

Përché Iddiou a l ha voulsù tantou ben al mound, ch’a l ha dait so Fieul unic për chë chiounque a i prësta fede a perissa nen, ma ch’a l abbia la vita eterna.

Përché Iddiou a l ha nen mandà so Fieul al mound për coundané ’l mound, ma për chë ’l mound a sia salvà da chiel.

Gesu a i ha rispost, e a l ha di‐ie: In verità, in verità i të diou: Së queicadun a tourna nen nassi, a peul nen vëdi ’l regno d’Iddiou.

Coul ch’a i prësta fede a sarà nen coundanà; ma coul ch’a i prësta nen fede a l è già coundanà, përché ch’a l ha nen prëstà fede al nom dël Fieul unic d’Iddiou.

Oura a l è sì ’l moutiv dë la coundanassioun, chë la luce a l è vënùa al mound, e ch’a i omini a i è stà‐ie pi car le tenebre chë la luce, përché soue opere a l erou cattive.

Bësogna ch’a crëssa, e chë mi i diminuissou.

Përché chiounque a së dësda a dë cose cattive, a pia in odio la luce, e a ven nen a la luce, për tëma chë soue opere a siou censurà.

Chi cred al Fieul a l ha la vita eterna; ma chi ubbidis nen al Fieul, a vëdrà nen la vita; ma la colera d’Iddiou a i sta ados.

Oura coum Mose a l ha aussà ’l serpent al dësert, coussì bësogna chë ’l Fieul dë l’om a sia lëvà sù

’L Pare a veul bin al Fieul, e a l ha dà‐ie ogni cosa ën man.