Popular Bible Verses from Jo Eburania 13

Share

Kur i bed wunu omar lim; jami ame itye wunu kede myero romwu, pien Obaŋa rik okobo ni, “Mom abino boli, mom abino weki ata.”

Yecu Kricito kite gire acel keken aworo, tin kede waŋ i waŋ.

En omio cunywa tek, kun okobo ni, “Rwot en akony mera, mom abino bedo i lworo; ŋo kara a dano twero tima kede?”

Kur wiwu wil i timo gin aber kede i poko gin itye wunu kede baŋ jo ocele, pien kodi mot aŋola acalo mannono yomoro yi Obaŋa.

Ber doŋ omi wunu pakwa baŋ Obaŋa i kare luŋ acalo gin ame oŋolo me yalo Obaŋa, kun obeo wunu i baŋ Yecu; mano en pwoc ame omio i dogwa ka otuco nyiŋe.

Nyom myero jo luŋ ket iye kwogo, dok itanda a jo onyomere myero wor bed acil; pien Obaŋa bino ŋolo kop i kom otim tim me coco kede jo abalo nyomgi.

Wiwu kur wil i jolo wele, pien jo mogo a rik obedo i kodi cunnyono rik obin ogwoko omalaika i paccigi kun mom oŋeo.

Obaŋa won kuc ame ocero Rwotwa Yecu Kricito i akina a jo oto, ame en akwat adwoŋ me rommi, pi remo me cikere ame perakino odoco, en Obaŋa myero omiwu gin luŋ abeco a mitte, me icob wunu gin a en mito; dok daŋ pi Yecu Kricito myero en ti kedwa gin a yomoro yie. Kwogo bed baŋ Yecu Kricito nakanaka. Amen.