Popular Bible Verses from Jo Eburania 12

Share

Doŋ acalo wan otye kede lwak ocaden ecipan ame ogurowa dyere, myero doŋ doŋ obol gigi mogo apek oko ducu, kede bal ame maro lidowa atek, me odyeb wunu ŋwec pyem a tye i nyimwa, kun okanyakino wunu. Onen wunu Yecu ame obedo atel wiwa i kom iyee kede ŋat ame ocobo kakare. Pi yomcuny ame oketo i nyime en rik okanyo yataria, kun ocao lewiccere; aman doŋ tye obedo piny i kabedo me kwogo i laŋet kom me loc Obaŋa tuŋ cem.

Kite pwonyere luŋ, ka pwod otye iye, pe otamo ni me yomcuny ento me kumo, cite icennere adwoggi mere kuc keken baŋ jo ololle atira.

Ket wunu teko me bedo i kuc i jo luŋ, kede bedo jo acil; aboŋo en-nu, mom tye ŋattoro a bino neno Rwot.

Tam wunu i kome, kede kite a en okanyokino i adage arac meicel i baŋ obalo, me kur iol wunu, kur cunywu opoti.

Pi mano, myero wan opwo wunu Obaŋa, pien wan onwoŋo loc a mom twero yeŋere, daŋ myero owor wunu Obaŋa i yore a twero yomoro cunye, kun daŋ omie wunu kwogo kede lworo

Myero ikanyakino wunu, me pwonywu. Obaŋa tye a tic kedwu acalo itino mere; atinnene ame pappere pe pwonyo?

pien Obaŋawa en mac ame wano piny.

Pien gin rik opwonyowa pi kare anokkoro keken i kite ame gin oneno ni ber, ento Obaŋa pwonyowa pi konyowa, me wan odok jo acil acalo en.

I romowu kede bal, mom ru ilwenyo wunu ituno i onyo remowu.