Popular Bible Verses from Yakobo 1

Share

Omegona, bed wunu i lelo atek ka otemowu i yore apapat, pien iŋeo wunu ni, temo iyeewu mio idio wunu cunywu.

Ka tye ŋattoro i akinawu ame ryeko mere nok, ber en kwa Obaŋa ame mio baŋ jo luŋ i yomcuny, aboŋo abwote moro; bino miye.

Omegona ame amaro, ŋe wunu man. Dano acel acel myero ru winyo kop, ento myero kur ruye woto dwone, dok myero kany akemo.

Wek wunu diyo cunywu cob ticcere kakare, me ibed wunu jo oteggo, a roccoro mom i komwu, dok ame ginnoro daŋ mom orem i baŋwu.

Ento bed wunu jo ame keto gin ame okobo i tic, mom jo a winyo awinya keken kun ibwolle wunu kenwu.

Ŋat ame otemo te cuŋ atek, tye kede winyo; pien ka doŋ oteme, en te loyo, en bino nwoŋo mot me kwo ame Rwot ociko miyo baŋ jo a mare.

Pien ginnoro luŋ aber ame omiowa, kede mot ducu abeco, ya i malo, bino piny iya i baŋ Obaŋa Papo, ame won gin aryeny i polo, ame mom tye kede alokaloka moro, dok tipo moro a nyuto lokere mere daŋ mom tye.

Pien ka ce ŋattoro obedo awiny kop keken kun mom tio, en cal i ŋat ame ŋio waŋe ame onywale kede iyi araŋ. Cite ka oŋiye kene otum, woto oko, wie te wil oko oyotoyot i callere ame woki eneno.

Dini aber odoco, a cilo mom iye i nyim Obaŋa Papawa en ene: konyo otino kic kede mon a coggi oto i kom cangi, kede gwokere ken i ci lo a bal me Iobo.

Ka obito ŋattoro, myero kur kob ni, “Obaŋa en obita”, pien Obaŋa gire mom obito i tiyo ginnoro arac, en daŋ mom bito ŋattoro. Dano acel acel mittere kene en abite, kun wae, omo cunye.

Acan myero wakere ka otiŋe malo