Popular Bible Verses from ମାର୍କାସ୍ 2

Share

ଏ କଥା ଶୁଣି ଯୀଶୁ ସେମାନଙ୍କୁ ଉତ୍ତର ଦେଲେ, “ସୁସ୍ଥ ଲୋକମାନଙ୍କର ଚିକିତ୍ସକଠାରେ ପ୍ରୟୋଜନ ନ ଥାଏ, ମାତ୍ର ଅସୁସ୍ଥ ଲୋକମାନଙ୍କର ପ୍ରୟୋଜନ ଥାଏ। ମୁଁ ଧାର୍ମିକ ଲୋକଙ୍କୁ ଆହ୍ଵାନ କରିବାକୁ ଆସି ନାହିଁ, ମାତ୍ର ପାପୀ ଲୋକଙ୍କୁ ଆହ୍ଵାନ କରିବାକୁ ଆସିଅଛି।”

ଯୀଶୁ ସେମାନଙ୍କ ବିଶ୍ୱାସ ଦେଖି ସେହି ପକ୍ଷାଘାତ ରୋଗୀକୁ କହିଲେ, “ପୁଅ, ତୁମର ପାପସବୁ କ୍ଷମା ହେଲା।”

ତା ପରେ ସେ ସେମାନଙ୍କୁ କହିଲେ, “ଶାବତବାର ମନୁଷ୍ୟ ନିମନ୍ତେ ହୋଇଅଛି, ମନୁଷ୍ୟ ଶାବତବାର ନିମନ୍ତେ ନୁହେଁ।

କିନ୍ତୁ ଲୋକଗହଳି ହେତୁ ସେମାନେ ତାକୁ ଯୀଶୁଙ୍କ ନିକଟକୁ ନେଇପାରିଲେ ନାହିଁ, ତେଣୁ ସେମାନେ ଯୀଶୁଙ୍କ ମୁଣ୍ଡ ଉପର ଛାତରେ ଗୋଟିଏ କଣା କରି ପକ୍ଷାଘାତ ରୋଗୀ ଶୋଇଥିବା ବିଛଣାସହ ତଳକୁ ଖସାଇ ଦେଲେ।

ତୁମ୍ଭେମାନେ ଜାଣିବ ଯେ, ଏହି ପୃଥିବୀରେ ପାପକ୍ଷମା କରିବାକୁ ମନୁଷ୍ୟପୁତ୍ରଙ୍କର କ୍ଷମତା ଅଛି,” ଏହାପରେ ସେ ପକ୍ଷାଘାତ ରୋଗୀକୁ କହିଲେ, “ମୁଁ ତୁମକୁ କହୁଛି ଉଠ, ତୁମର ବିଛଣା ନେଇ ଘରକୁ ଯାଅ।”

କଣ ସହଜ, ‘ପକ୍ଷାଘାତ ରୋଗୀକୁ ତୋର ପାପସବୁ କ୍ଷମା ହେଲା’ ବୋଲି କହିବା, ନା ‘ତୋର ବିଛଣା ଧରି ଚାଲ’ ବୋଲି କହିବା?

ଏଥିରେ ସେହି ଲୋକ ଉଠିଲା ଓ ତାହାର ବିଛଣା ଧରି ସମସ୍ତଙ୍କ ଦୃଷ୍ଟିଗୋଚରରେ ଚାଲିଗଲା! ସମସ୍ତେ ଚମତ୍କୃତ ହେଲେ ଏବଂ ଈଶ୍ୱରଙ୍କ ପ୍ରଶଂସା କରି କହିଲେ, “ଆମେ କେବେ ଏପରି ଦେଖି ନ ଥିଲୁ।”