Popular Bible Verses from ମାଥିଉଲିଖିତ 16

Share

ତତ୍ପରେ ଯୀଶୁ ଶିଷ୍ୟମାନଙ୍କୁ କହିଲେ, “କେହି ଯେବେ ମୋର ଅନୁଗାମୀ ହେବାକୁ ଇଚ୍ଛା କରେ, ତେବେ ସେ ନିଜକୁ ତ୍ୟାଗ କରୁ ଓ ଆପଣାର କ୍ରୁଶ ବହନ କରି ମୋର ଅନୁଗମନ କରୁ।

ମୁଁ ତୁମକୁ କହୁଅଛି, ତୁମେ ପିତର, ଓ ଏହି ପ୍ରସ୍ତର ଉପରେ ମୁଁ ମୋହର ମଣ୍ଡଳୀ ଗଢ଼ିବି ଓ ନରକର ଶକ୍ତି ତାହାକୁ ପରାଜିତ କରିପାରିବ ନାହିଁ।

ମୁଁ ତୁମକୁ ସ୍ଵର୍ଗ-ରାଜ୍ୟର ଚାବି ଦେବି। ଏହି ପୃଥିବୀରେ ଯାହାକିଛି ତୁମେ ବନ୍ଦ କରିବ, ତାହା ସ୍ଵର୍ଗରେ ବନ୍ଦ ହୋଇ ରହିବ ଏବଂ ପୃଥିବୀରେ ଯାହାକିଛି ତୁମେ ଖୋଲିବ, ତାହା ସ୍ଵର୍ଗରେ ଖୋଲା ହେବ!”

କାରଣ ଯେକେହି ନିଜର ଜୀବନକୁ ଧରି ରିଖିବାକୁ ଚାହେଁ, ସେ ନିଜ ଜୀବନ ହରାଇବ କିନ୍ତୁ ଯେକେହି ମୋ ସକାଶେ ନିଜର ଜୀବନ ହରାଇ ଦେବ, ସେ ଅନନ୍ତଜୀବନ ଲାଭ କରିବ।

ମନୁଷ୍ୟ ଯଦି ସମଗ୍ର ଜଗତ ଲାଭକରି ନିଜ ଅନ୍ତରାତ୍ମାକୁ ହରାଏ, ତେବେ ସେଥିରେ କି ଲାଭ? କିମ୍ବା, ନିଜ ଅନ୍ତରାତ୍ମା ବଦଳରେ ମନୁଷ୍ୟ କଅଣ ଦେଇପାରେ?

ସେ ପଚାରିଲେ, “କିନ୍ତୁ ମୁଁ କିଏ, ଏ ବିଷୟରେ ତୁମେମାନେ କଅଣ କହୁଛ?” ଶିମୋନ ପିତର ଉତ୍ତର ଦେଲେ, “ଆପଣ ଖ୍ରୀଷ୍ଟ, ନିତ୍ୟଜୀବି ଈଶ୍ୱରଙ୍କ ପୁତ୍ର।”

ଯୀଶୁ କହିଲେ, “ହେ ଯୂନସ-ପୁତ୍ର ଶିମୋନ, ତୁମେ ଧନ୍ୟ, କାରଣ ଏହା ମନୁଷ୍ୟ ଦ୍ଵାରା ପ୍ରକାଶିତ ହୋଇନାହିଁ, ମାତ୍ର ମୋର ସ୍ଵର୍ଗସ୍ଥପିତାଙ୍କ ଦ୍ଵାରା ତୁମ ନିକଟରେ ପ୍ରକାଶିତ ହୋଇଅଛି।