Popular Bible Verses from માથ્થી 5

Share

લોકો દીવો સળગાવીને તેને વાટકા નીચે મુકતા નથી, તેના બદલે તેઓ તેને તેના સ્ટેન્ડ પર મુકે છે, અને તે ઘરમાંના બધાને અજવાળું આપે છે. તેવીજ રીતે તમારો પ્રકાશ લોકોની આગળ એવો પ્રકાશવાં દો જેથી તેઓ તમારાંં સદાચરણો જોઈને સ્વર્ગમાંના તમારાં ઈશ્વર પિતાનો મહિમા કરે.

“તમે જગતનો પ્રકાશ છો. પર્વત પર બાંધેલું નગર છૂપું રહી શક્તું નથી.

જેઓનાં હૃદય શુદ્ધ છે, તેઓ આશીર્વાદિત છે, કેમકે તેઓ ઈશ્વરને જોશે.

જેઓ ન્યાયીપણા માટે ભૂખ્યા અને તરસ્યા છે તેઓ આશીવાઁદિત છે, કેમકે તેઓ ધરાશે

પણ હું તમને કહું છું કે તમારાં દુશ્મનો પર પ્રેમ કરો અને જેઓ તમારી સતાવણી કરે છે તેઓના માટે પ્રાર્થના કરો

“આત્મામાં જેઓ રાંક છે તેઓ આશીર્વાદિત છે, કારણ કે સ્વર્ગનું રાજ્ય તેઓનું છે.

જેઓ સલાહ કરાવનારાં છે, તેઓ આશીર્વાદિત છે, કેમકે તેઓ ઈશ્વરના પુત્રો કહેવાશે.

જેઓ શોક કરે છે, તેઓ આશીર્વાદિત છે, કેમકે તેઓને દિલાસો મળશે.

ન્યાયીપણાને લીધે જેઓની સતાવણી થાય છે, તેઓ આશીર્વાદિત છે, કેમકે સ્વર્ગનું રાજ્ય તેઓનું છે.

જેઓ, દયાળુ છે તેઓ આશીર્વાદિત છે, કેમકે તેઓના પ્રત્યે દયા દર્શાવવામાં આવશે.

“જયારે લોકો તમારી નિંદા કરે, તમારી સતાવણી કરે અને મારે લીધે તમારી વિરુદ્ધ દરેક પ્રકારની જૂઠી વાતો અસત્યતાથી કહે, ત્યારે તમે આશીર્વાદિત છો. આનંદ કરો અને હરખાઓ, કારણ કે સ્વર્ગમાં તમારો બદલો મોટો છે, તમારી અગાઉના પ્રબોધકોની પણ એવી જ સતાવણી થઈ હતી.

જેઓ નમ્ર છે, તેઓ આશીર્વાદિત છે, કેમકે પૃથ્વીનો વારસો તેઓને મળશે.

“તમે જગતનું મીઠું છો, પણ જો મીઠું પોતાની ખારાશ ગુમાવે તો તે ફરી કેવી રીતે ખારું કરાશે? બહાર ફેંકી દેવા સિવાય અને પગ તળે કચડાવા સિવાય. તે કોઈ પણ પ્રકારે સારું નથી.

માટે જેમ તમારા સ્વર્ગમાંના પિતા સંપૂર્ણ છે તેમ તમે સંપૂર્ણ થાઓ.”

તમારું બોલવું તે હા કે ના હોય, તે કરતા અધિક જે કંઈ છે તે ભૂંડાઈ માંથી આવે છે.

“જે કહેવામાં આવ્યું હતું એ તમે સાંભળ્યું છે કે: ‘આંખને બદલે આંખ, ને દાંત ને બદલે દાંત.’ પણ હું તમને કહું છું કે દુષ્ટ વ્યકિતની સામો ન થા, જો કોઈ, તમારાં જમણા ગાલ પર તમાચો મારે, તો તેની આગળ બીજો ગાલ પણ ધરો.

જો તમારી જમણી આંખ તમને ઠોકર ખવડાવે, તો તેને કાઢીને દૂર ફેંકી દો. તમારું આખું શરીર નરકમાં નંખાવવા કરતાં શરીરનું એક અંગ ગુમાવવું તમારે માટે વધારે સારું છે. અને જો તમારો જમણો હાથ તમને ઠોકર ખવડાવે તો, તેને કાપીને દૂર ફેંકી દો. તમારું આખું શરીર નરકમાં નંખાય એના કરતાં શરીરનું એક અંગ ગુમાવવું તમારે માટે વધારે સારું છે.