Popular Bible Verses from માથ્થી 6

Share

પણ પ્રથમ તમે તેના રાજ્યને અને તેના ન્યાયીપણાને શોધો, અને આ બધા વાનાં પણ અપાશે.

તે માટે આવતીકાલ વિષે ચિંતા ન કરો. આવતીકાલ પોતાના વિષે ચિંતા કરશે. દરેક દિવસની પોતાની પૂરતી મુશ્કેલી હોય છે.

“તેથી હું તમને કહું છું કે તમારા જીવન વિષે ચિંતા ન કરો; તમે શું ખાશો ને પીશો; અથવા તમારા શરીર વિષે, તમે શું પહેરશો. શું ખોરાક કરતાં જીવન અને વસ્ત્રો કરતાં શરીર વધારે અધિક નથી?

પરંતુ તમે જયારે પ્રાર્થના કરો, ત્યારે તમારી ઓરડીમાં જાઓ, બારણું બંધ કરીને તમારાં પિતાને પ્રાર્થના કરો, જે અદ્રશ્ય છે. ત્યારે તમારો પિતા જે ગુપ્ત રીતે કરવામાં આવે છે તે જુએ છે, તે તમને બદલો આપશે.

“તો, પછી, તમારે આ રીતે પ્રાર્થના કરવી જોઈએ: “ ‘સ્વર્ગમાંના અમારા પિતા, તમારું નામ પવિત્ર મનાઓ. તમારું રાજ્ય આવો, તમારી ઈચ્છા પૂરી થાઓ, જેમ સ્વર્ગમાં તેમ પૃથ્વી પર

આજે અમને અમારી રોજની રોટલી આપો.

અમારા ૠણ અમને માફ કરો, જેમ અમે અમારા ૠણીઓને પણ માફ કર્યા છે.

અને અમને પરીક્ષણમાં ન લાવો, પરંતુ ભૂંડાઈથી અમારો છુટકો કરો, કેમકે રાજ્ય, પરાક્રમ, તથા મહિમા સર્વકાળ તમારાંં છે. આમીન.’

માટે જો તમે બીજા લોકો તમારી વિરુધ કરેલાં પાપ તેઓને માફ કરશો, તો તમારો સ્વર્ગીય પિતા પણ તમને માફ કરશે.

આકાશના પક્ષીઓને જુઓ; તેઓ વાવતા નથી કે, લણતા નથી ને કોઠારોમાં ભરતા નથી, અને છતાં સ્વર્ગમાંના તમારાં ઈશ્વર પિતા તેમને ખવડાવે છે. શું તમે તેમના કરતા અધિક મૂલ્યવાન નથી?

“પૃથ્વી પર તમારે સારું ધનદોલતનો સંગ્રહ ના કરો, જયાં ઉધઈ અને કાટ નાશ કરે છે, અને જયાં ચોરો તોડીને ચોરી જાય છે પરંતુ તમે પોતાને સારું સ્વર્ગમાં ધનદોલતનો સંગ્રહ કરો, જયાં કીડા અને કાટ નાશ કરતા નથી, અને જયાં ચોરો તોડીને ચોરી જતો નથી કારણ કે જયાં તમારું ધન છે, ત્યાં તમારું ચિત પણ હશે.

“કોઈ પણ બે માલિકની સેવા કરી શકે નહિ. અથવા તો તમે એકને ધિક્કારશો અને બીજાને પ્રેમ કરશો, અથવા તમે એકને સમપિઁત રહેશો અને બીજાને ધિક્કારશો. તમે ઈશ્વર અને સંપત્તિ બંનેની સેવા કરી શકતા નથી.”

જો ખેતરમાનાં ઘાસને ઈશ્વર એવું પહેરાવે છે જે આજે છે અને આવતીકાલે અગ્નિમાં નંખાશે, શું તમને તેથી વિશેષ નહિ પહેરાવે? ઓ અલ્પવિશ્વાસી?

પણ જયારે તમે જરૂરિયાતમંદને આપો, ત્યારે તમારો જમણો હાથ જે કરે તે ડાબો હાથ ન જાણે જેથી તમારાંં દાન ગુપ્તમાં થાય. પછી ગુપ્તમાં જોનાર તમારાં પિતા, તમને બદલો આપશે.

“સાવધ રહો! તમને જુએ એ માટે તમારાંં ન્યાયીપણા બીજાઓની આગળ ન કરો. જો તમે એમ કરો તો સ્વર્ગીય પિતા તરફથી તમને કોઈ બદલો મળશે નહિ.

“જયારે તમે ઉપવાસ કરો ત્યારે ઢોંગીઓના જેવા વિલાય ગયેલાં ચહેરાવાળા ન થાવ, કેમકે તેઓ ઉપવાસ કરે છે તે બતાવવા માટે તેઓ તેમના ચહેરાને બગાડે છે, હું તમને સાચે જ કહું છું કે તેઓને તેમનો પુરો બદલો મળી ચૂકયો છે. પરંતુ જયારે તમે ઉપવાસ કરો ત્યારે તમારા માથા પર તેલ ચોપડો ને તમારું મોં ઘુઓ. એથી તમે ઉપવાસ કર્યા છે એની બીજા કોઈને ખબર પડશે નહિ. માત્ર તમારો પિતા, જે અદ્રશ્ય છે. અને તમારો પિતા જે ગુપ્ત રીતે કરવામાં આવે છે તે જુએ છે, તે તમને બદલો આપશે.