Popular Bible Verses from San Matiou 6

Share

Choourïà doun proumièramen lou rouyaoume de Diou e sa justíci, e toutei aquelei caouvo vou seran dounado par dessu.

Es pèrqué siègué pa ’nquiè pèr l’ endeman; car l’ endeman aoura souin d’ eou: cade jou a proun de soun maou.

Vaqui pèrqué vou diou: V’ enquièté pa mounte trouvarè de que manja pèr menteni vouèsto vido, ni de mount’ aourè de vièsti pèr curbi vouèste cor: es que la vid’ es pa mai que la nourrituro, e lou cor que lou vièsti?

Mai vaoutre, can prega, intra din vouèsto chambro, e la pouarto n’ estèn fèrmado, pregà vouèste Pèro din lou secrè; e vouèste Pèro que vi ce que si passo din lou secrè, v’ en rendra la recoumpenso.

Vaoutre pregà d’ aquelo manièro: Nouèste Pèro que sià din lou cièle, que vouèste noun siègue santifia: Que vouèste rèign’ arrive: Que vouèsto voulounta siègue facho su la tèrro coum’ aou cièle

Dounà‐nou vuèi nouèste pan de cade jou

E remetè‐nou nouèstei deoute, coumo lei remetèn en aquelei que nou dévoun

N’ abandouné pa ’ la tentacièn; mai delivrànou doou maou. Ansin siègue.

Car se pardounà ’is ôme lei faouto que fan contro vaoutre, vouèste Pèro celèste vou pardounar’ aoussito vouèstei peca.

Arremarcà leis ooussèou doou cièle: saménoun pa, mèissoúnoun pa, ni acámpoun rèn din lou graniè: mai vouèste Pèro celèste lei nourrisse: es que sià pa mai qu’ elei?

Vou fagué je de tresor din la tèrro, mounte lou roui e lei vèrme lei mánjoun, e mounte lei voulur lei destárroun e lei ráouboun. Mai fè‐vou de tresor din lou cièle, mounte ni lou roui ni lei vèrme lei mánjoun, e mounte l’ a je de voulur que lei destárroun e que lei ráouboun. Car aqui mount’ es vouèste tresor, aqui aoussi es vouèste couar.

Degun poou sèrví dous mèstre; car vo aïra l’ un e èimara l’ aoutre, vo si plegara sout’ un e mespresara l’ aoutre. Poudè pa sèrví Diou e lei richesso.

Adoun si Diou a souin de vesti d’ aquelo sorto un’ èrbo dei chan, qu’ es fresco vuèi e que deman sera jitado din lou four: can de mai aoura souin de vou vesti, ô ome de poou de fé!

Mai can farè l’ aoumouarno, que vouèsto man gaoucho sache pa ce que fa vouèsto drecho; Pèr afin que vouèst’ aoumouarno siègue din lou secrè: e vouèste Pèro que vi ce que si passo din lou secrè, v’ en rendra la recoumpenso.

Aguè souin de pa faire vouèstei bouèneis obro davan leis ôme pèr n’ èstre regarda: aoutramen reçubrià pa la recoumpenso de vouèste Pèro qu’ es din lou cièle.

Can junà, siègué pa triste coumo leis ipoucrito: car s’ enmáscoun d’ uno facho blèmo, pèr afin que leis ôme sáchoun que júnoun. Vou diou en verita qu’ an reçu sa recoumpenso. Mai vaoutre, couro junà, prefumà vouèsto tèsto, e lavà vouèste visáji; Pèr afin de pa fa counouiss’ eis ôme que junà, mai à vouèste Pèro qu’ es presèn à tou ce que l’ a de pu secrè: e vouèste Pèro que vi ce que si passo din lou secrè, v’ en rendra la recoumpenso.