Popular Bible Verses from San Matiou 5

Share

S’ alumo pa ’no vïolo pèr la metre souto la panaou; mai si mete su lou candeliè, pèr afin que fague lum’ en toutei aquelei que soun din l’ oustaou. Ensin que vouèste lume luse davan leis ôme, pèr afin que vígoun vouèstei bouèneis obro, e que glourifíoun vouèste Pèro qu’ es din lou cièle.

Sià lou lume doou mounde: uno vilo bastido su d’ uno mountagno poou pa ’str’ escoundudo.

Bènerous aquelei qu’ an lou couar pur, parço que vèiran Diou.

Bènerous aquelei que soun afama e artera de la justíci, parço que seran assouèla.

E iou vou diou: Èimarè vouèsteis enemi, fè de bèn en aquelei que vous aíssoun, e pregà pèr aquelei que vou fan de tor e dièn de maou de vaoutre

Bènerous lei paoure d’ espri, parço que lou rouyaoume doou cièl’ es pèr elei.

Bènerous lei jèn de pas, parço que li diran leis enfan de Diou.

Bènerous aquelei que soun dous, parço que poussedaran la tèrro.

Bènerous aquelei que soúfroun pèrsecucièn pèr la justíci, parço que lou rouyaoume doou cièl’ es pèr elei.

Bènerous lei misèricordiou, parço que li sera fa misèricórdi.

Serè erous can leis ôme vou cargaran de maradicièn, que vou pèrsecutaran, e que diran messounjièramen touto sorto de maou contro vaoutre par rapor à iou. Rejouïssè‐vou alor, e tressaoutà de joyo; parço qu’ uno grando recoumpenso v’ es resèrvado din lou cièle: car es ensin qu’ an pèrsecuta lei proufèto que vivièn avan vaoutre.

Bènerous aquelei que ploúroun, parço que seran counsouèla.

Sià la saou de la tèrro. Que se la saou pèrde sa forço, emé que la salarè? es plu bouèn’ en rèn qu’ à èstre jitado defouèro, e à èstre caoucado par leis ôme.

Vaoutrei doun sièguè parfè coumo vouèste Pèro celèst’ es parfè.

Mai countentà‐vou de dire: Acô es, acô es; vo, Acô ’s pa, acô ’s pa: car tou ce qu’ es de mai, vèn doou maou.

Avè ’ncar’ apré qu’ es esta di: Uèi pèr uèi, e dèn pèr dèn. E iou vou diou de pa vou rebifa contro lou maou que vouèloun vou faire: mai se caouqu’un v’ a pica su la gaouto drecho, presentà‐li ’ncaro l’ aoutro.

Que se vouèst’ uèi dré v’ escandaliso, derrabà‐lou, e jità‐lou luèn de vou; car voou miès pèr vaoutre qu’ un dei membre de vouèste cor perisse, que se tou vouèste cor èro jita din l’ infèr. E se vouèsto man drecho v’ escandaliso, coupà‐la, e jità‐la luèn de vou; car voou miès pèr vaoutre qu’ un dei membre de vouèste cor perisse, que se tou vouèste cor èro jita din l’ infèr.