Popular Bible Verses from San Matiou 7

Share

Demandà, e vou dounaran; cèrcà, e trouvarè; picà ’ la pouarto, e vou dourbiran.

Car cu que siègue que demando reçube; e cu cèrco trobo; e si douarbe ’n aqueou que pic’ à la pouarto.

Cu que siègue doun qu’ aous’ aquelei paraoulo que diou, e que lei met’ en pratico, sera regarda coum’ un ôme sáji, qu’ à basti soun oustaou su la pèiro

Fè doun eis ôme tou ce que voulè que vou fágoun: car es aqui la lèi e lei proufèto.

Que la pouarto de la vid’ es pichouno! que lou camin que li men’ es estré! e que n’ a gaire que lou tróboun!

Intrà par la pouart’ estrecho; parço que la pouarto de la perdicièn es larjo, e lou camin que li men’ es de grant espai, e n’ a fouèsso que l’ íntroun.

Se doun marri coumo sià sabè douna de bouènei caouv’ à vouèsteis enfan; à bèn pu fouarto resoun vouèste Pèro qu’ es din lou cièle dounara lei veritablei bèn en aquelei que li lei demándoun.

Jujé pa, pèr afin que sièguè pa juja. Car serè juja selon qu’ aourè juja leis aoutre; e s’ emplegara pèr vaoutre la memo mesuro qu’ aourè ’mplegado pèr leis aoutre.

Mai cu que siègue qu’ aous’ aquelei paraoulo que diou, e lei mete pa ’n pratico, sera pariè à‐n‐un sènço‐sen, qu’ a basti soun oustaou su la sablo

Pèrqué vià ’no payo din l’uèi de vouèste frèro, vaoutre que vià pa ’n caraman din vouèst’ uèi? Vô bèn coumo poudè dir’ à vouèste frèro: Lèissà‐mi tira ’no payo de vouèst’ uèi, vaoutre qu’ avè ’n caraman din lou vouèstre?

Garà‐vou bèn dei faou proufèto, que vènoun à vaoutre cubèr de pèou de fedo, e qu’ aou dedin soun de lou devouran. Lei counouissirè par sei frui: si poou‐t‐i cuyi de rasin su d’ espigno, vô de figo su de rúmi?

Ensin tout aoubre qu’ es bouèn proudui de bouèn frui, e tout aoubre qu’ es marri proudui de marri frui.

Un bouèn aoubre poou pa prouduire de marri frui, e un marrit aoubre n’ en poou pa prouduire de bouèn.

Tout aoubre que proudui pa de bouèn frui, sera coupa e jit’ aou fuè.