Popular Bible Verses from मती 14

Share

मुदा आंधी ता नेल केते बोरो वनाय, अरो जोब डुबाः लगावेना दो कुर्री केते गामवादेयाय, “परभु, इञ के बनचाव एञमी!” ईसु ता एनेन गी ती रे साप टेकाव एदेयाय आर पतरस के गामवादेयाय, “ए अधबिसवासी, आम चिलिमेन संदेह एताम?”

मुदा आंधी ता नेल केते बोरो वनाय, अरो जोब डुबाः लगावेना दो कुर्री केते गामवादेयाय, “परभु, इञ के बनचाव एञमी!”

अरो एनेन गी ईसु ता उनकु लोः गापाम हेलावेनाय, “ढिड़ दोहोयपे इञ हेकेञ ओलोपे बोरोया!”

पतरस ता ईसु के गामवादेयाय, “परभु, जदि आम गी हेकेम, रेदो इञ के आम ठिनुः दाः रे सेन इदी कथिर हुकूम एमाञमी।” ईसु ता मेताःदेयाय, “हिजुःमी!” तोब पतरस ता डोंगा एते अरगु केते ईसु ठिनुः दाः रे सेन इदिइ केनाय।

इमिताः जे डोंगा रे तहिकेनाकु, उनकु डोंडोत केते गामवादेयाकु, “सच गी आम परमेसर रिई होपोन तेः हेरेल हेकेम।”

मुदा ईसु ता उनकु के जबाब एमाःकुवाय, “उनकु के सिनुः रआ दरकार बनुःआं! अपे गी नोंकु के जोजोम वनाः एमाकुपे।” उनकु ता ईसु के मेताःदेयाकु, “आले ठिनुः दो पांच गो पिठा अरो बरीया हाकु के बागी केते जहन्‍नाः बनुःआं।”

ईसु ता गामवाःकुवाय, “उना नोन्डोइञ ठिनुः अगुइपे।” आर ईसु ता होरकु के घांस रे दुरुप कथिर मेताःकुवाय अरो उना पांच गो पिठा अरो बरीया हाकु के साप केते सिरमा सोझ नेल केते धेनयाबाद एताय, आर पिठा खेचाः केते चेलाकु के एमाःकुवाय अरो चेलाकु ता होरकु के एमाःकुवाकु।

अरो सुबिन होर जोम केते बी एनाकु, सरेच अनाः खेचाः तेः, बारो खन्ची सरेच्‍चेना।