Popular Bible Verses from मती 13

Share

जे बुगिन ओते रे हेर केना, नुवां उना हेके, जे बचन ता अयुम केते सोमझाव कोःकानाय अरो फोल अगुइ कनाय, जहय साव गुना, जहय साठ गुना अरो जहय तीस गुना।”

जे झुड़ रे हेर केना, नुवां उना हेके, जे बचन ता ओनाव कनाकु, मुदा नियां दुनिया रआ चिन्ता अरो धन रआ लोभ गी बचन तके दबाव काय कनाय अरो उनी फोल काय अगु दड़िवाकानाय।

उना बिहेन जे होरा रआ अतोम रे उयुः केना, उना रआ ओरोथ हेके चि जोब जहय सोवाराग राइज रआ बुगिन खभेर ओनाव कनाकु, अरो उना काकु सोमझाः काना, तोब, जे उनी रआ मोन रे हेर केना, उना कुचड़ सयतान हेच केते रेच इदी केकानाय।

अरो जे रुगड़ी ओते रे हेर केना, उना नुवां हेके जे बचन अयुम केते एनेन गी आनाद एते मनाव कोःकनाय। मुदा अपन रे रेहेत काय साप रआ चलते उनी थोड़ दिन रिई हेकेय अरो जोब बचन रआ चलते कोसोट चहे सताव होयुः काना, दो एनेन गी ठोकोरा जोम कनाकु।

“सोवाराग रआ राइज, खेत रे उकु वनाः धन लेका हेनाःआं, उना जहय मनवा ता नम्‍मेताय अरो उना एंडेगी तोपा कताय। उनी इमिनुः खुस एनाय चि जहन्‍नाः हों, उनी ठिनुः तहिकेना, अखरीञ कताय, अरो उना खेत किरीञ वनाय।

हुडिञगन बिहेन बुगिन ओते रे उयुःएना अरो बेढ़ियां फोल होय्येना। करा साव गुना, करा साठ गुना अरो करा तीस गुना।

कटनी तक बनार मिसाते हरा इरीवापे, अरो कटनी रआ समेय इञ इइर वन के गाम वकुविञ, चि पहिल बुरु बिहेन रआ बुदा अलग जमायपे अरो उना सेंगेल रे ओन्डोर कपे, अरो गोहोम ता इदिकेते इञ रआ कोठा रे दोहो कापे।’”