Popular Bible Verses from Matej 6

Share

Ama najanglal roden o carstvo e Devleskoro hem leskiri pravda, i sa akava ka del pe tumenge.

Adaleske, ma sekirinen tumen bašo tajsutno dive, soske o tajsutno dive ka sekirinel pe peske. Sekova dive isi le dovolno pe problemija.”

“Adaleske vakerava tumenge: Ma sekirinen tumen bašo tumaro životo, so ka han hem so ka pijen, ili so ka phiravel tumaro telo. Nane li o životo považno taro hajbe, a o telo považno taro šeja?

Ama tu, koga molineja tut, khuv ki ti soba korkori, phan o udara hem molin tut te Dadeske e Devleske soj tano ko tajnost, a to Dad, so dikhela soj kerdo tajno, ka nagradinel tut.

Adaleske agjar molinen tumen: ‘Dade amareja, so sijan ko nebo, neka ovel sveto to anav, te avel to carstvo, neka ovel ti vojla, sar ko nebo agjar ki phuv.

Amaro šuko maro de amen avdive

hem oprostin amare grevija sar so amen oprostinaja okolenge so grešinena amenge.

Cide amen taro iskušenie, hem arakh amen taro Beng. [Soske to carstvo, ti sila ti slava ko sa o vekija. Amin.]’

Soske ako oprostingjen javerenge koga ka grešinen tumenge, agjar tumaro Dad soj ko nebo, ka oprostinel tumenge.

Dikhen e čiriklen. Ola ni sejnena, ni na khedena te čhiven ki štala. A palem parvarela len tumaro Dad soj ko nebo. A na sijen li tumen považno lendar?

“Ma kheden tumenge barvalipe ki phuv, kote so o insektija hem i rgja ka uništinen le, hem kote so čora khuvena hem čorena le. Nego kheden tumenge barvalipe ko nebo, kote so o insektija hem i rgja na uništinela le, a ni o čora našti te aven hem te čoren le. Soske kaj tano to barvalipe, adathe ka ovel to srce da.

“Nikoj našti te služinel duje gospodarenge. Ili jekhe ka mrzinel, a okole ka mangel, ili jekheske ka ovel poslušno, a e dujtone nane te podnesinel. Našti služinena hem e Devleske hem e parenge.”

Ako o Devel agjar uravela o pole e lulugjencar, so avdive tane adathe, a tajsa frdela pe ki jag, kozom poviše šeja ka del pe tumenge tikne verakere?

A koga deja e čorolenge, ma te džanel to levo vas so kerela to desno. Hem de e čorolenge tajno, a to Dad, so dikhela soj kerdo tajno, ka nagradinel tut.”

O Isus phengja: “Pazinen! Ma keren šukaripe anglo manuša te šaj te dikhen tumen javera, soske ako kergjen adava, nane te ovel tumen nagrada taro tumaro Dad soj ko nebo.

“Koga postinena, ma mukhen tumaro muj sar o dujmujale, soske ola kerena adava te šaj te dikhen len o manuša deka postinena. Čače vakerava tumenge, ola dobinge više pi nagrada. Ama tu koga postineja, thov to muj hem harav te bala, te na dikhen tut o manuša deka postineja, nego samo to Dad soj ko tajnost. Togaš to Dad so dikhela so kerela pe ko tajnost ka nagradinel tut.”