Popular Bible Verses from Matej 5

Share

Nikoj na tharela momoli te učharel la čareja, nego na čhivena la li ko lakoro than te svetinel sarinenge ko kher. Agjar, neka svetinel tumari svetlina anglo sarine, te šaj te dikhen tumare šukar dejla hem te slavinen tumare Dade soj ko nebo.”

Tumen sijen i svetlina ko sveto. Našti te ovel garavdo o gradi soj upre ki planina.

Blagoslovime tane o čista ko srce, soske ola ka dikhen e Devle.

Blagoslovime tane o bokhale hem o žedna baši pravda, soske ola ka čajloven.

Ama, me vakerava tumenge: Mangen tumare dušmanen hem molinen tumen okolenge so progoninena tumen

“Blagoslovime tane o čorole ko duho, soske lengoro tano o carstvo nebesno.

Blagoslovime tane okola so anena mir, soske ola ka vikinen pe čhave e Devleskere.

Blagoslovime tane okola so tugujnena, soske ola ka oven utešime.

Blagoslovime tane okola soj progonime baši pravda, soske lengoro tano o carstvo nebesno.

Blagoslovime tane o milostliva, soske lenge ka sikavel pe milost.

Blagoslovime sijen tumen koga o manuša uvredžinena hem progoninena tumen, vakerindor protiv tumende razno lošnipe hovajbe baši mange. Radujnen tumen hem veselinen tumen! Adaleske so bari tani tumari nagrada ko nebo, soske agjar e prorokon da progoninge so sine angleder tumende.”

Blagoslovime tane o krotka, soske ola ka nasledinen i phuv.

“Tumen sijen o lon ki phuv. Ama ako o lon našagja po vkus, sar šaj palem te ovel londalo? Više ništoske nane šukar, osven te frdel pe hem te ovel gazimo prencar.

Adaleske oven sovršena sar soj sovršeno tumaro Dad soj ko nebo.”

Ama tumaro lafi neka ovel: ‘Oja’ ‘oja’ ili ‘Na’ ‘na’ a sa soj poviše adalestar i tano e lošnostar.”

“Šungjen so sine phendo: ‘Jakh baši jakh, dand bašo dand!’ Ama, me vakerava tumenge: Ma protivinen tumen e lošno manušeja. Ako nekoj khugja tut šamarka ki desno čham, iran leske okoja da čham.

Ako ti desno jakh čhivela tut ko grevo, ikav la hem frde la tutar. Pošukar i te našave jekh delo taro to telo, nego celo telo te ovel frdimo ko pekol. Ako to desno vas čhivela tut ko grevo, čhin le hem frde le tutar. Pošukar i te našave jekh delo taro to telo, nego celo telo te džal ko pekol.”