Popular Bible Verses from Matej 7

Share

“Pučen hem ka del pe tumenge; roden hem ka arakhen; khuven hem ka phravel pe tumenge.

Soske sekoj so pučela, dobinela; hem koj rodela, arakhela; a koj khuvela, ka phravel pe leske.

“I sekoj so šunela me lafija hem so pherela len, ov tano sar pametno manuš, so kergja po kher ki karpa.

Hem agjar, ko sa, keren tumen adava so mangena te keren tumenge javera; soske akava pherela o Zakoni hem o lila e Prorokongere.”

Ama but i tikne o udara hem tesna o drumija so legarena ko životo, a samo hari džene arakhena le.”

“Khuven taro tesno udar. Soske buvle tane o udara hem buvle tane o drumija so legarena ko propast, hem but džene khuvena lestar.

Togaš, tumen so sijen lošna, džanena te den šukar poklojna tumare čhavenge, a kozom poviše tumaro Dad soj ko nebo ka del šuže poklojna okolenge so rodena lestar.

“Ma sudinen! Hem nane te sudinel pe tumenge. Soske, sar ka sudinen javeren, agjar ka oven sudime tumen, hem save merkaja ka merinen, asavke merkaja ka merinel pe tumenge.

Ama sekoj so šunela me lafija hem na pherela len, ov tano sar našavdo manuš, so kergja po kher ki pošik.

Soske dikheja i delanka te phraleske ki jakh, a i greda ki ti jakh na dikheja? Sar šaj te vakere te phraleske: ‘Ač te ikalav i delanka tari ti jakh,’ koga ki ti jakh isi greda?

“Arakhen tumen taro hovavne prorokija. Ola avena ki tumende ki bakhrani koza, ama andral tane diva ruva. Taro lengere plodija ka pendžaren len. Dali šaj o manuša te kheden drakha taro kare, ili smokve taro bocke?

Agjar, sekova šukar kaš dela šukar plodija, a o lošno kaš dela lošna plodija.

O šukar kaš našti te del lošna plodija, ni o lošno kaš našti te del šukar plodija.

Sekova kaš so na dela šukar plodi činela pe hem frdela pe ki jag.