Popular Bible Verses from 1 Yohana 4

Share

Obuheeli shibulimwo oburii bwosi ta; nebutswa obuheeli obulamba bwilusinjia oburii, okhuba oburii bulimwo obukuumwi; ne ouriitsanga shiakholwa omulamba mubuheeli ta.

Inywe mwarula khuNyasaye, rwana rwanje; ne mwabahula; shichila ouli mwinywe ashila oyo ouli mushialo.

Ifwe khuheelanga, shichila ye yaranjilila okhukhuheela ifwe.

Abaheelwe banje, khuheelanenje; shichila obuheeli burula khuNyasaye; buli mundu yesi ouheelanga yeebulwa nende Nyasaye, khandi wamanya Nyasaye.

Ouraheelanga shiyamumanya Nyasaye ta; okhuba Nyasaye nobuheeli.

Mulino nimwo omwa obuheeli buli; shilili mbu ifwe khwamuheela Nyasaye ta, habula mbu ye yakhuheela ifwe, naruma Omwanawe abe eshitiso shiebionoono bieefwe.

Abaheelwa banje, olwa Nyasaye yakhuheela ifwe ario, neefu khukhoyile okhuheelananga.

Mulino nimwo omwa obuheeli bwaNyasaye bwalolosilibwa mwifwe, mbu Nyasaye waruma Omwanawe omuteelwa mushialo, mbu ifwe khube mwoyo khululwe.

Omundu naba naboola ari Emuheelanga Nyasaye, ne nakiya omwana wabwe, nomubeeyi; shichila ouraheela omwana wabwe, owa alolanga, shikakhanyalikha mbu amuheela Nyasaye owa aralolakhwo tawe.

Omundu yesi owiyama shinga Yesu olwa ali Omwana waNyasaye, Nyasaye amenyanga muye, naye muNyasaye.

Lilako lino khuli ninalio okhurula khuye, mbu ouheela Nyasaye aheele nende omwana wabwe yesi.

Abaheelwa banje, murasuubila buli roho ta; ne muteeme abaroho, nibaba nibali baNyasaye nohomba; shichila abanabii bobubeeyi abanji barulile nibasalaana khushialo. Mwikhuwa lino mumanye Roho waNyasaye; mbu buli roho owiyama shinga Yesu Kristo olwa wamala okhwitsa mumubili, arula khuNyasaye.

Nebutswa buli roho oureeyama Yesu, shiyarula khuNyasaye tawe; ne niye roho womufukuli waKristo, owa mwahulilakhwo mbu ali okhwitsa; ne kata bulaano aliho mushialo.