Popular Bible Verses from Roma 3

Share

ŋkɔŋɔ pɔŋ náá kaa náá vó no, mbzyé ghɛ́ɛ́ Mboʼmvé. Ntsʉʼmbé Mboʼmvé yɔ́ɔ́ foʼndzəndzoʼ yé, njʉ́ wɔ́b nuŋ njʉ́ puŋgerɛ́ŋged nɛ́ siŋ yé, pe ndzəndzoʼ, ndâ mbəb Yěsô Kristo wɛ́, a kɛ yɔ́ɔ́ wé, mkpee wɔ́b nuŋ nɛ́.

Mboʼmvé yǎ ndúŋú psyɛ́ndzɔʼ yɛ́ pɔŋ tsɛʼɛ mbəb Yěsô Kristo nɛ́, njʉ́ wɔ́b njʉ́ puŋgerɛ́ŋged nɛ́. Yéré tiŋɛ́ ŋkɔŋɔ pɔ́ŋ pɛ́ pɔ́b tséʼé psyɛ́ndzɔʼ náá nɛ́. Pɔ́b kaa náá mbɛɛ taʼ no, ŋkyé ŋgâ

A ye mbé Ŋɔŋ wɛ́ Mboʼmvé kɛ tíí wé ŋgâ, a pɛ́d vúŋɔ́ ne nsə mé, ŋkyé pɔŋ pɛ́ pɔ́b tséʼé psyɛ́ndzɔʼ nɛ́. Néré kɛ́ʼɛ́ ne nyoʼne ŋgâ, a kɛ pe ŋgerɛ́ŋged, njʉ́ a kɛ pe záá pɔŋ ne ŋgəʼo nɛ́ pó, pɔŋ pɛ́ pɔ́b kɛ pɛ́ səssó, ŋgyɛ́ no kəpɔŋ nɛ́, ŋkhoʼyɛ́ a kɛ tséʼé gbǎndzɔʼ nɛ́. A kiʼi nyoʼo ŋgerɛ́ŋged yé nɛ́ ne zhyémve ndzebe, kɛ́ʼɛ́ ne mbéne ŋgerɛ́ŋged, mbó njʉ́ ŋɔŋ wɛ́ a tséʼé psyɛ́ndzɔʼ mbəb Yěsô nɛ́, njʉ́ ŋugerɛ́ŋged nɛ́.

Yé ke nɛ́ yɔ́b yɛ́, a zhyɛ́ ŋgâ tɛɛmbɛ́ Mboʼmvé pe naʼ náá mbziʼe njʉ́ ŋɔŋ nyí njʉ́ kaŋ tsɔ́ nɛ́, njʉ́ wé njʉ́ ŋúŋgə́rɛŋged nɛ́, pó. Ŋkyé ŋgâ kaŋ ke ŋgyɛ́ yé pé ndaʼ ŋgâ, pɔŋ zé yɔ́b yɛ́ kəpɔŋ yéré nɛ́.

Njʉ́ a ŋweʼéme nɛ́ ŋgâ: «Ŋɔŋ ŋgerɛ́ŋged yoʼo pó, mbɛ ndaʼ taʼ ye kaʼa yoʼo pó! Ghaŋázé ke mbé pɛ yoʼo pó, mbɛ ndaʼ taʼ ye wɛ́ a tse ntaʼa Mboʼmvé nɛ́ yóʼó pó. Ŋkɔŋɔ wɔ́b náá tee mɛndɔ́b sʉ́ʼʉ, cyó ŋɔŋ ndzɔʼɔ pɔ́b, ntséʼé cyó ghebe pwó Mboʼmvé ŋkʉ́rʉ́ pó! Ŋɔŋ wɛ́ a tse ŋgyɛ́ no sʉ́ʼʉ nɛ́ pe pɛ yoʼo pó, mbɛ ndaʼ taʼ yé yóʼó pó.

Ne ŋkhoʼyɔŋ, piŋi zé ŋgâ a zhyɛ́ psyɛ́ndzɔʼ Mboʼmvé tiŋɛ̂ ŋɔŋ njʉ́ ŋugerɛ́ŋged nɛ́, kii tsé ndiŋɛ́ mbziʼe njʉ́ a nyí njʉ́ kaŋ tsɔ́ nɛ́.

Ngaŋ! Tɛɛmbɛ a naʼ mbé pé néré pó! A zɔŋɔ ŋgâ pe zé ŋgâ Mboʼmvé ŋɔŋ ŋgerɛ́ŋged, ŋkɔŋɔ pumésɔŋ náá pe ghaŋátsɔ́mbwɔ́, mbziʼe njʉ́ a ŋweʼéme ŋgâ: «A zɔŋɔ ŋgâ pe zé wo njʉ́ ŋɔŋ ŋgerɛ́ŋged nɛ́, ndzɔʼɔ ŋkɔŋɔ no yɛ́ wo tsɔ́ náá nɛ́, wo pó ndzó fiʼ ŋkhoʼyɛ́, pe tse fiʼɛ wo nɛ́.»