Popular Bible Verses from Roma 2

Share

Wo wɛ́ wo fiʼɛ pɔŋ pɛ́ pɔ́b zhyɛ́ ŋkɔ́rɔ meno péré, ŋgɛ́mbɛ́ ke mbó ŋgyɛ́ yo pe néré nɛ́, wo kpaŋ ŋgâ wo náʼá ndzú pwó sabafiʼ Mboʼmvé? Kii wo coʼo yo pe pǔpfob Mboʼmvé yɛ́ a záá kaʼatɛ nɛ́? Kii gbâ ndzɔʼ yé, yɛ́ á záá kaʼatɛ nɛ́? Kii mbziʼe njʉ́ a fɛ́ pwó pɔŋ zááme kaʼatɛ kii tɔʼ nɛ́? Wo zhyɛ́ kɛ́ʼɛ́, ŋgɛmbɛ́ ŋgíí ŋgâ pǔpfob ye yéré, pɛ́ɛ́ ŋgâ mbziʼe yo séd?

Wo wɛ́ wo fiʼɛ pɔŋ nɛ́, kii wo pɛɛ ghɛmbɛ́ wɔ, tɛɛmbɛ́ wo naʼ mbé sǒ ndáŋ pó. Ŋkye ŋgâ wo ghɛ́ fiʼɛ cyó ŋɔŋ kɛ́ʼɛ́, fuŋɔ́ tómbəb wo, ŋkyé ŋgâ wo wɛ́ wo fiʼɛ ŋɔŋ nɛ́, puŋ yé kaa náá ke ŋgyɛ̌ taʼ no.

Ŋkyé ŋgâ Mboʼmvé ndɛ mbé tɔʼɔ ŋɔŋ pó.

Ŋkye ŋgâ, a pɔŋ pɛ́ pɔ́b zoʼo kaŋ nɛ́, mbé puŋgerɛ́ŋged siŋ Mboʼmvé pó. Ntsʉʼ mbé, a pɔŋ pɛ́ pɔ́b nyí njʉ́ kaŋ tsɔ́ nɛ́.

zhyémve yéré yɛ́ Mboʼmvé náʼá nuʼɔ pwó ŋɔŋ, mbziʼe njʉ́ pwófaʼ yé kɛ ke mbé nɛ́.

Ntsʉ́ʼmbé, á náʼá nyóʼó ndáá pʉ̌ŋgye yé, yé zááme mbəb pɔ́ŋ pɛ́, pɔ́b mǐtó, ŋkirɛ no ŋgerɛ́ŋged, a pó sáʼá mbwɔ̂ sáʼá wɔ́b nɛ́.

Mbziʼe njʉ́ wo tsé mbé psyɛ́ ndzoʼo nɛ́ pó, ke mbó mbé psyɛ́ sɛrɛ ndzɔʼ wo nɛ́ pó, wo súú pʉ̌ŋgye Mboʼmvé yé kəkwéʼe nɛ́, fɛ́ mbəb wo, yɛ́ a náʼá mbɛ zhyémve yɛ́ Mboʼmvé náʼá nyoʼo pʉ̌ŋgye yé nɛ́, mbó sabafiʼ né ŋgerɛ́ŋged nɛ́