Popular Bible Verses from Roma 4

Share

Mbɛ néré, a pé tséʼé ndzɛ̌ne ndúŋú kaʼ yɛ Mboʼmvé kɛ kaʼa pwó yé nɛ́ po. Ntsʉʼmbé, psyɛ́ndzɔʼ kɛ fɛ tʉ̌ŋ pwó ye, a pó fɛ́ ŋgúʼune pwó Mboʼmvé. A kɛ cʉ̌yi ndzɛ́ ndzó ndzɔʼ yé ŋgâ, no yɛ́ Mboʼmvé kɛ kaʼ nɛ́ a ké mbó tséʼé tʉ̌ŋ ne ŋgyɛne a pé.

Tsʉŋtsʉ́ŋ njʉ́, a ŋweʼéme ŋgâ: «Mo, Mboʼmvé, mə ŋgyɛ wo tsʉʼ tɛd mbéŋgɔŋ zááme.» Á tɛd wíŋi siŋi Mboʼmvé, yé wɛ́ a kɛ́ tséʼé psyɛ́ndzɔʼ mbəb ye nɛ́. Mboʼmvé wéré wɛ́, a zhyɛ́ ŋgâ pfɔ̂pɔŋ tsó mvé, mbó ŋgyɛ ŋgâ yɔ́b yɛ́ a pě mbé pé nɛ́ pó, pɛ yoʼo nɛ́.

Yé wɛ́ pe kɛ fí wé ŋkyé vɔ̌no piŋi, á pó njʉyɛ́, yânéré ŋgâ Mboʼmvé zhʉ́ wíŋi njʉ́ puŋgerɛ́ŋged nɛ́.

Ábraham kɛ tséʼé psyɛ́ndzɔʼ mbó tséʼé shʉríne, ghɛmbɛ́ njʉ́ a kɛ ghɛmbɛ cyó shʉríne pe pé nɛ́ pó. Néré tsʉʼ tɛd mbéŋgɔŋ zááme, mbziʼe njʉ́ Mboʼmvé kɛ́ nsó ŋgâ: «Yɔŋ pé nɛ́ njʉ́ ndɔŋɔ pɔ́ŋ pe wo náʼá mbɛ́ nɛ́.»

Ŋkʉ́rʉ́, a zhyɛ́ psyɛ́ndzɔʼ ŋɔŋ tsɛʼɛ mbɛd yɛ́ Mboʼmvé kaʼ nɛ́. Yânéré kɛ́ʼɛ́ ŋgâ, a pɛ́ɛ́ foʼndzəndzoʼ, mbó ndiŋɛ́ ŋkɔŋɔ pɔŋ Ábraham náá. Ké mbé pɛ́ɛ́ ndaʼ ye pɔŋ pɛ́ pɔ́b gháá a sáʼá kaŋ sáʼá wɔ́b nɛ́ pó, ntsʉ́ʼ ké mbó mbɛ́ɛ́ ye pɔŋ pɛ pɔ́b gháá pɔ́b nyí njʉ́ psyɛ́ndzɔʼ Ábraham tɛd ŋkɔŋɔ wíŋi náá, tsɔ́ nɛ́.

«Mbéne sʉ́ʼʉ pwó pɔŋ pɛ́ pé máʼ vɔ̌no pɔ́b, mbó sǒ kəpɔŋ pɔ́b nɛ́. Mbéne sʉ́ʼʉ pwó ŋɔŋ wɛ́ Ntsɛɛpɔŋ tsé mbé sí kəpɔŋ pé nɛ́ pó.»

Ŋkyé ŋgâ Ŋweʼe Yáŋme tsɔ́ɔ́ ŋgâ: «Ábraham kɛ psyɛ́ Mboʼmvé, néré Mboʼmvé zhʉ́ wé njʉ́ ŋugerɛ́ŋged nɛ́.»