Popular Bible Verses from Romanos 3

Share

Marĩ nipetira ñañarẽrẽ tiriara wadora ña. Tairo tira Manigʉ̃cã “yʉmena ñurõ nirõãcu” ĩriguere marĩbasurupera marĩcã tiremena icãta bʉara eamasĩheriga. Buri marĩcã taira nirã nicapetacãrã Manigʉ̃pe cʉ̃cã ĩñamaĩrẽmenarã ĩñerõcã apeyeno sãĩcãmerõ manirõrã Jesucristore wedewõrĩwãmemenape marĩrẽ ñurã wapa cʉoherara abiro nirã ĩñawĩ. Tora abiro marĩrẽ ĩñawĩ Jesucristocã marĩye ñañarẽ wapamena cõwõã marĩrẽ wapatibosariguemena.

Tairo tigʉ Manigʉ̃ Jesucristore wedewõrẽ cʉoremenarã nipetira cʉ̃ Jesúre wedewõrãnorẽ “mʉjã ñurã wapa cʉoherara abiro ña” ĩ ĩñawĩ. Dairo nirãrẽ judío basocare, judío basoca niherare tairo ĩ ĩñawĩ.

Maricʉ̃ Manigʉ̃ sʉguerimacãrãpʉcãrẽ cʉ̃jãcã ñañarẽrẽ ticapetacãrã cʉ̃jãrẽ bopacaĩñarẽ cʉonigʉ̃ cʉ̃jãrẽ ñañarõ tiheririgʉ niwĩ. Tairo ĩñamocãrigʉ niwĩ. Cʉ̃jãpere ñañarõ tiboarigʉ nicapeicã Manigʉ̃ nipetira basocacã ñañarẽ tirigue wapare wapatibosadotigʉ Jesucristopere curusapʉ cõwõã di cõãñerõcã tirigʉ niwĩ; cʉ̃cã cõwõã di cõãriguemenarã cʉ̃rẽ wedewõrãnorẽ cʉ̃jãcã ñañarẽ tirigue wapare acõboñerõcã tigʉ. Cʉ̃cã tairo tiremenarã Manigʉ̃ cʉ̃cã diamacã maquẽrẽ tigʉ nirẽrẽ eñorigʉ niwĩ. Tiwãmerã anocawatoacãrẽ Manigʉ̃ Jesucristomenarã cʉ̃cã diamacã maquẽrẽ tigʉ nirẽrẽ eñogawi. Cʉ̃ diamacã maquẽrẽ tirucũgʉ̃ ninigʉ̃rã Jesúre marĩye ñañarẽ wapare wapatibosarigʉre wedewõrãrẽna “mʉjã ñurã wapa cʉoherara abiro nirã ña” ĩ ĩñawĩ.

Icãta ĩcʉ̃ basocʉno Moisécã dotire cũriguere tipetimasĩherigawi. Tairo tigʉ “Manigʉ̃rẽ yʉre ‘ñugʉ̃ ñawĩ’ ĩ ĩñagʉagawi” ĩmasĩherigawi. Manigʉ̃ cʉ̃cã atie dotirere cũriguemenarã marirẽ “mʉjã ñañarẽrẽ cʉoribasoca ña” ĩ masĩñerõcã yawí.

Merẽ Manigʉ̃ye wederucũrẽrẽ ojayoriapũpʉra abiro ĩ: «Icãta ĩcʉ̃nopera pẽrõ ñugʉ̃ nigʉ̃no manijomocãwĩ; icãta ĩcʉ̃no Manigʉ̃ye maquẽrẽ tʉomasĩgʉ̃no maniwĩ; icãta ĩcʉ̃no Manigʉ̃rẽ masĩrugagʉno maniwĩ. Nipetira Manigʉ̃rẽ dumocã aperope wado wapetiasuwa; nipetira ĩcãrõpera ñañarã wado posapetiasuwa. Icãta ĩcʉ̃nopera ñurẽrẽ tigʉno maniwĩ. ¡Icãta ĩcʉ̃no manijomocãwĩ!

Tairo tira marĩ atiere Manigʉ̃cã Moisére dotire cũriguere tiñerõcãmerẽna Manigʉ̃ “mʉjã ñurã wapa cʉoherara abiro nirã ña” ĩ ĩñaheriwi. Buripe “Jesúre wedewõrẽ cʉoremenape Manigʉ̃ ‘mʉjã ñurã wapa cʉoherara abiro nirã ña’ ĩ ĩñawĩ” ĩ masĩrã ea.

¡Icãta tairo niheriga! Nipetira marĩ basoca marĩcã “tirada” ĩãriguere tiherimocã ĩritorepira nicapetacã Manigʉ̃pe nipetire cʉ̃cã “tigʉda” ĩrẽrẽ queoro tigʉ icãta ĩritohegʉ ñawĩ. Merẽ cʉ̃ye wederucũrẽrẽ ojayoriapũpʉra abiro ojayore ña: «Manigʉ̃ mʉye wederucũrẽ diamacã maquẽ nirõ ya. Mʉcã ĩrõrã abirora queoro tigʉ niñerõcã icãta ĩcʉ̃nopera mʉrẽ “queoro tiheriwi” ĩmasĩherigawi» ĩ ojayoriaro niwʉ̃.