Popular Bible Verses from Romanos 4

Share

Icãta “Manigʉ̃cã yʉre abiro tigʉda ĩriguere tiherimocã tiherigawi” ĩheririgʉ niwĩ. Buripe tora abiro ĩrõno tigʉ cʉ̃rẽ wedewõpitiro manirõ õpe sotoa cʉ̃rẽ wedewõrucũmocã tairora cʉ̃rẽ “mʉ ñucametʉagʉ, tutuacametʉanʉcãgʉ̃ ña” ĩ ʉseare nʉnirucũmocãrigʉ niwĩ. Tairora Manigʉ̃cã cʉ̃rẽ “mʉrẽ abiro tigʉda” ĩriguere “cʉ̃ye tutuaremenarã queorora tiyapaticogʉagawi” ĩ wedewõrẽ cʉorucũmocãrigʉ niwĩ.

Merẽ Manigʉ̃ cʉ̃ye wederucũrẽrẽ ojayoriapũpʉra Abrahamrẽ «Nipetira basocaburicãrõ pacʉ nigʉ̃ eagʉacu» ĩsiarigʉ niwĩ. Ãnirã ñawĩ Manigʉ̃ Abrahamcã wedewõgʉ̃ earigʉ. Cʉ̃rã ñawĩ Manigʉ̃ cʉ̃ye tutuaremena basocare cʉ̃jãcã cõwõãriasiropʉ nicapetacã masõmasĩgʉ̃ ĩñerõcã cʉ̃ye wederucũrẽmenarã manirẽpʉrena bajuanemasĩgʉ̃.

Manigʉ̃ marĩcã cʉ̃rẽ cametʉonʉcãrẽ wapara Jesucristore cʉ̃rẽ sĩãnapʉre wiyorigʉ niwĩ marĩye waparena cõwõãbosaro ĩgʉ̃. Buri cʉ̃cã cõwõãriasiro cʉ̃rẽ masõmocãrigʉ niwĩ cʉ̃cã marĩrẽ tairo tibosaremenarã icãta ñañarẽnorẽ tiheririarara abiro marĩrẽ ĩñagʉ̃dagʉ.

Abraham cʉ̃rẽ Manigʉ̃cã «mʉpãrãmerã nitutiara pajʉ nirãgawa» ĩriguere cʉ̃cã yuerucũrẽmenarã pũnamanigʉ̃rã muñucapeicã tairora cʉ̃ “Manigʉ̃ cʉ̃cã yʉre ĩriarora abirora queoro tigʉagawi” ĩ wedewõrucũmocãyugʉ. Tairo binigʉ̃ Abraham nipetira basocaburi pacʉ nigʉ̃ earigʉ niwĩ.

Tairo tigʉ Manigʉ̃ Abrahamrẽ “abiro tigʉda” ĩriguere Abraham pãrãmerã nitutiarare cʉ̃rã abiro wedewõrẽ cʉora wadorena nʉnigʉ̃dagʉ icãta wapa boheririgʉ niwĩ. O queorojoropʉare Moisére dotire cũriguere yʉrano wadorena tie nʉniyoate niheririaro niwʉ̃. Nipetira Abrahamcã wedewõrẽ cʉoriarora abirora Manigʉ̃rẽ wedewõrẽ cʉoranocãrẽ nʉniãte niriaro niwʉ̃. Tairo tigʉ Abraham tiemenarã marĩ nipetira pacʉ nigʉ̃ earigʉ ñawĩ.

Cʉ̃cã tairo ĩrigue Manigʉ̃ye wederucũrẽrẽ ojayoriapũpʉ abiro ĩ: «Ñañarẽrẽ tirecʉtira nicaperacãrã tieyewapamena Manigʉ̃rẽ ñañarõ tiyoherara buripe acõboyora ʉseawa. Manigʉ̃cã ñurõ tiyora ñawã. Manigʉ̃cã “mʉ ñañarẽ cʉohegʉra abiro pʉtʉa” ĩyogʉ ʉsearo. Manigʉ̃cã ñurõ tiyogʉ ñawĩ» ĩ ojayorigue ña.

Tierena Manigʉ̃ye wederucũrẽrẽ ojayoriapũpʉ abiro ojayorigue ña: «Manigʉ̃ Abrahamcã cʉ̃rẽ wedewõrẽ cʉoñerõcã ĩñagʉ̃rã cʉ̃rẽ “mʉ ñugʉ̃ wapa cʉohegʉra abiro nigʉ̃ ña” ĩ ĩñarigʉ niwĩ» ĩ ojayore ña.