Popular Bible Verses from 1 Corintios 2

Share

Tie maquẽrẽna Manigʉ̃ye wederucũrẽrẽ ojayoriapũpʉ abiro ojayorigue ña: «Manigʉ̃ cʉ̃rẽ maĩrãye niãtere ñurõ quenoyuesiarigʉ niwĩ. Atie cʉ̃cã ñurẽ quenobosarigue cʉ̃jãcã icãta ĩñaheririgue, tʉoheririgue, icãta pẽrõgã wãcũheririgue ña» ĩ ojayorigue ña.

Espíritu Santore cʉoherape Manigʉ̃cã Espíritu Santomena masĩrẽ nʉnirẽmenarã buerere icãta boheriwa. Cʉ̃jãpʉare tie tairo ĩmequẽderera ña. Marĩpʉa Espíritu Santocã masĩrẽ nʉnirẽmenarã Manigʉ̃yere tʉomasĩriaro ña. Tairo tira Espíritu Santore cʉoherapʉa icãta cʉ̃ye maquẽrẽ tʉomasĩheriwa.

Atiera ña Manigʉ̃cã cʉ̃cã tiriguere marĩcã masĩheririguere Espíritu Santomenarã marĩrẽ masĩñerõcã tire. Merẽ Espíritu Santora nipetirere ñurõ ĩñabesepeticõãgʉ̃ ñawĩ. Pʉ Manigʉ̃ye tʉoiñarẽ pupea maquẽpʉcãrẽ masĩpeticõãmocãgʉ̃rã ñawĩ.

Marĩ atibʉreco macãrãcã masĩrẽ tʉoiñarẽcʉtirepere ñeheriwʉ. Buripe Manigʉ̃mena watigʉ Espíritu Santopere ñewʉ̃; marĩrẽ cʉ̃cã ĩñamaĩrẽmena ñucametʉaro tigʉ ticoriguere tʉomasĩrãdara.

Yʉ mʉjãrẽ tie quetire buegʉ, mʉjãrẽ tie quetire wedewõrã eañerõcã bogʉ, atibʉreco macãrãcã masĩrẽmena buerora abiro bue wedeheriwʉ. Buripe Espíritu Santoye tutuaremenape mʉjãrẽ “tie quetire queorora ña” ĩ wedewõrã eañerõcã tiwʉ. Tairo tira mʉjã Manigʉ̃ye tutuaremenape cʉ̃rẽ wedewõrã eawʉ. Atibʉreco macãrãcã masĩrẽmena buerora abirope bueremenape mʉjã cʉ̃rẽ wedewõrã eaheriwʉ.