Popular Bible Verses from 1 Corintios 3

Share

¿Mʉjã mʉjãcã Manigʉ̃wira abiro nirẽrẽ masĩheriri? ¿Tairora mʉjãrẽ mʉjãpʉre Espíritu Santocã nirẽrẽ masĩheriri?

Merẽ wire ñurõ tutuaro wʉmʉõnʉcõyoariasiropʉre merĩãwãmepe wasoa wʉmʉõnʉcõmasĩñamani; tora abirora icãta ĩcʉ̃nopera Jesucristoye quetire wedecũyoriasiropʉre merĩãwãmepe wasoamocã wedesocowʉmʉãmasĩherigawi.

Tairo tiro ote capere oteribasoca nirã, tiere oco pio ĩñanʉõrĩbasoca nirãcã wapamanirã buri nirã ñawã. Manigʉ̃pe ñawĩ tie ote capere wiñerõcã tigʉ. Tairo tigʉ cʉ̃ ĩcʉ̃rã tiere timasĩgʉ̃ ninigʉ̃ wapacʉtigʉ ñawĩ. Cʉ̃rã ʉ̃sãcã oteriguere bʉtiwʉmʉãñerõcã tirora abiro tigʉ mʉjãrẽ õpe wedewõwʉmʉãñerõcã tigawi.

Queorojoropʉare ʉ̃sã ĩcãrõmena Manigʉ̃rẽna padedecoteribasoca nirã ña. Mʉjãcã Manigʉ̃ye oterecã nirĩwesera abiro nirã ña. Ĩñerõcã tairora mʉjã Manigʉ̃cã ĩcãwi emʉãrĩwi tiwʉmʉãyorara abiro nirã ña.

Buri atibʉrecocã petiriwatoa eañerõcã Manigʉ̃basurupera nipetiracãrõ padederiguere baunirõpʉ besegʉagawi. Wire tiyoriguere pecamemena soeĩñagʉ̃rã abiro tigʉagawi. Abiriwãmemena nipetiracãrõ bueriguere “atie mʉjãcã buerigue queoro ña; atiepe queoro niheri” ĩ masĩyoroacu.

Otesocoranocã, siro tie oterere oco pio ĩñanʉõrãnocã ĩcãrõmenarã ĩcãrõpe padederibasoca nirã ñawã. Manigʉ̃ cʉ̃jãcãrõrẽ cʉ̃jãcã padederiguecãrõmenarã cʉ̃jãrẽ wapatigʉ wapatare nʉnigʉagawi.

Icãta mʉjãbasurupe came ĩritoherimocãña. Ĩcʉ̃no mʉjã watoare Manigʉ̃rẽ ĩñamasĩheracã atibʉreco maquẽ masĩrẽrẽ cʉorora abiro “yʉ masĩrẽ cʉogʉ nigʉ̃ ya” ĩ tʉoiñarugagʉno buripe ĩcʉ̃ tʉomasĩhegʉ nigʉ̃rã abiro nigʉ̃ earo. Tora abiro tinigʉ̃ queorojoropʉare Manigʉ̃rẽ ñurõ masĩrẽ cʉogʉ nigʉ̃ eañerõcã tiyogʉdagʉ.